SuperDizionari

spavent s.m.
(spa-vent)

Sensazion di pôre une vore imburide

sinonims

spac, spali, spaghet

esemplis

""Brut vecjo bavôs, sono chescj i spavents di fâ cjapâ a une puare femine? Si puedie savê ce che o fasês ator a cheste ore di gnot?""

gjavât fûr di "Aiar di cjase" di Franca Mainardis

"al viodè a vignî fûr un cjan blanc che si metè a baiâ, a baiâ… Vigji, che nol veve la cussience nete, al cjapà un tâl spavent che i le in svierse il sanc: si butà tal jet e vie ancje lui, puar Vigji Carete"

gjavât fûr di "Sot il puarti" di Pieri Menis

"un zigo di dolôr e di spavent plui grant si jevà dal paîs muribont: Atile! Atile! Atile!"

gjavât fûr di "La aghe da pît la cleve" di Dino Virgili

Viôt ancje: spavint, spovent

spavent s.m.
(spa-vent)

Persone o robe tant brute che e fâs pôre (fam.)

esemplis

"se, culì, cualchi volte si prove a cjantâ alc, cun chês gosatis che o vês, al è un spavent"

gjavât fûr di "Lis predicjis dal muini" di Josef Marchet

"chê femine, a cjalâle, e je un spavent"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

spavent s.m.
(spa-vent)

[TS] (venat.) Tes bressanis o tai rocui, imprest che si môf par spaurî i uciei e par fâ che a ledin a parâsi propit li che a son lis rêts

esemplis

"cuant che tancj a becutavin, su lis jarbis, siôr Meni al tirave il spavent: un fîl a çufs di sclofis, che al poiave par tiare a dilunc de bressane, e che si alçave a colp. Un tradiment pai uciei!"

gjavât fûr di "Cjase di Dalban" di Maria Forte

spavent s.m.
(spa-vent)

[FÛ] Sfere di metal a pontis che si meteve a contat cu la grope dai cjavai di corse par fâju cori

monolengâl