Hai cercato la parola
monolingue
Torna indietro

monolingue

spazi s.m.
(spa-zi)
Dimension fisiche li che si concepìs e che si percepìs che a sedin lis robis
esempi
"dut chel che al esisteve al scugnive par fuarce jessi dentri dal spazi e dal timp, e fûr di chês dimensions nol jere che il nuie"
da "Il dolfin" di Carlo Sgorlon
"da la organizazion dal spazi si pues lei tal lâ dai secui la storie e la evoluzion dal teritori"
da "Studi da la evoluzion dal paisaç mediant i toponims" di Rino Gubiani
spazi s.m.
(spa-zi)
[FO] (astron.) Sede infinide des stelis e dai planetis, considerade come ambit di studi e di esplorazion
sinonimi
cîl, cosmi, univiers
esempi
"[lis stelis] a produsin energjie che e ven soflade intal spazi sot forme di rais eletromagnetics"
da "Il Sisteme Solâr e lis sôs leçs" di Bepi Zefon
spazi s.m.
(spa-zi)
Estension limitade, libare o ben ocupade di alc
sinonimi
puest, sît
esempi
"un trop di machinis parcadis mo chi mo li, che a jemplavin dut il spazi da la place"
da "Il sium di Lissandri" di Franca Mainardis
"davour di une tende scure, si viarzeve un spazi piçul, larc e lunc sui doi metris. Ator al ere siarât di un mûr dal colour di savalon"
da "Kebar krossè" di Stiefin Morat
spazi s.m.
(spa-zi)
Costruzion o struture, o part di costruzion o struture, dedicade a une cierte ativitât
sinonimi
ambient, puest
esempi
"un centri culturâl, cun spazis espositîfs, salons par riceviments e cerimoniis"
da "Il Cjistiel di Ruvigne" di Venusia Dominici
spazi s.m.
(spa-zi)
Estension astrate, spec. delimitade, categorie concetuâl (fig.)
esempi
"la matematiche e nas de stesse bisugne argomentative de filosofie, che e nas in Elade, la bisugne di costruî un spazi di cognossincis e di veretâts condividudis"
da "Viaç aes origjins dal Logos" di Adrian Cescje
spazi s.m.
(spa-zi)
Cuantitât di timp, di test, di impegn, atenzion e v.i. dedicade a une cierte ativitât, spec. tai mieçs di comunicazion (fig.)
esempi
" informâ i citadins par mieç di boletins bilengâi e di spazis informatîfs radiotelevisîfs par furlan"
da "Pai dirits linguistics in Friûl - Vignesie Julie 2008-2013" di Comitât 482
"si è rivâts a fadie a otignî te radio e te television dome piçui spazis sperimentâi in oris di basse scolte"
da "I dîs agns de leç n. 482/99" di Silvana Fachin Schiavi
"notiziis bielis [...] che magari un pôcs di gjornâi no publichin, salacor nome par mancjance di spazi"
da "Il partît dai zovins coscrits" di Riedo Pup
spazi s.m.
(spa-zi)
[TS] (tipogr.) Inte pagjine stampade o datiloscrite, interval libar tra lis peraulis
esempi
"eliminâ i doplis spazis"
spazi s.m.
(spa-zi)
[TS] (mus.) Tal pentagram, interval tra une rie e chê altre
Torna in Cima