SuperDizionari

speciâl adi.
(spe-ci-âl)

Diferent dal solit, dal normâl, o di un tiermin di paragon considerât normâl, o diferent di chei altris

sinonims

insolit, strani, straordenari

esemplis

"e jere la vilie di Nadâl, gjo. In chê sere nissun traeve, ni nô ni i mucs là di là. Rangjo speciâl e sgnape ducj"

gjavât fûr di "L'armistizi dal '16" di Riedo Pup

"chê di Triest e je une situazion speciâl, che no à nissun cefâ cu la nestre"

gjavât fûr di "Sot di nissun" di Josef Marchet

speciâl s.m.
(spe-ci-âl)

Dedicât o destinât propit a cdn., a alc, a une funzion e v.i.

sinonims

specific, particolâr

esemplis

""Eh, ma pe Madone - i veve dit Anute - la nestre int e à une devozion speciâl…""

gjavât fûr di "Sul agâr" di Pieri Menis

"la cerimonie di premiazion si davuelzarà inte suaze di une serade speciâl che si tignarà tal mês di Dicembar"

gjavât fûr di "Concors par tescj cinematografics in lenghe furlane" di Fabian Ros

speciâl adi.
(spe-ci-âl)

Inte sfere juridiche o istituzionâl, che al è previodût par câs particolârs

sinonims

straordenari

esemplis

"la justizie e jere aministrade dai militârs, lis leçs sostituidis dai bants [...] e cui che al leve cuintri di cheste legjislazion militâr si cjatave denant dai tribunâi speciâi"

gjavât fûr di "La seconde Irlande" di Carli Pup

"[par vie dal taramot] in Friûl si vevin di rimandâ ciertis lotis politichis che a son lis elezions. E che no stedin a dîlu che no lu puedin. Une leç speciâl a podevin fâle"

gjavât fûr di "Si savarìn a dî fra dîs agns!" di Francesc Placerean

speciâl adi.
(spe-ci-âl)

Une vore bon, di cualitât une vore buine

sinonims

famôs, maraveôs, otim, particolâr, râr, straordenari

esemplis

"la cene in chê sere e fo particolarmentri buine: cjamoç cu la polente, lidric cul poc cuinçât cul ardiel, formadi di malghe e un refosc speciâl"

gjavât fûr di "Cretevierte" di Roberto Ongaro

"lis patatis bulidis, cuinçadis cjaldis cul vueli, sâl e asêt, a cjapin sù un savôr speciâl cu lis fueis frescjis o cui cjâfs di chest ai salvadi"

gjavât fûr di "Jerbis salvadiis inte cusine furlane" di Giorgio Pascoli

speciâl adi.
(spe-ci-âl)

Ben fuart o ben definît

sinonims

fuart, grant, particolâr, singolâr

esemplis

"o domandarìn un impegn speciâl par otignî di Rome il ricognossiment che nus covente e che o vin il dirit di vê"

gjavât fûr di "In viaç tal teatri furlan" di Mario Zili

speciâl adi., s.m.
(spe-ci-âl)

Numar di periodic dedicât dut a di un argoment

esemplis

"in ocasion de “Fraie de Vierte”, la Filologjiche Furlane e da fûr un numar speciâl de riviste “Sot la Nape” dedicât ai paîs di Sedean, Flaiban e Merêt di Tombe"

gjavât fûr di "Storiis e int di Sedean, Flaiban e Merêt" di Gotart Mitri

monolengâl