Fâ deventâ plan, fâ che la forme, la disposizion di alc e stedi suntun plan vualîf
sinonimi
avualâ, nivelâ, pulî
esempi
"a roncjarin a sun di massanghete sterps e baraçârs, a svegrarin a fuarce di palis e pics e sapons a vuaiâ, a colmenâ, a imbunî rivuats e sfondaris, a splanâ bârs e grumbulis"
da "La aghe da pît la cleve" di Dino Virgili
"li la strade e jere dute par aiar, che a jerin daûr a slargjâle e a splanâle cui bulldozer"
da "Prime di sere" di Carlo Sgorlon
splanâv.tr. (spla-nâ)
Passâ cu la splane, lavorâ un toc, soredut di len, cu la splane par fâlu plui fin e plui slis (ancje ass.)
esempi
"Da là un moment la butega a fo cueta, inçussida come simpri, cul fantat che al splanava na brea"
da "Il Crist sclagn" di Novella Cantarutti
splanâv.tr. (spla-nâ)
Butâ jù, sdrumâ, taiâ, seâ ce che al è in pîts, di maniere che al sedi dut a nivel de tiere (fig.)
esempi
"[i paisuts] che a circondavin Palme [...] a forin splanâts vie dal dut par ordin di Napoleon"
da "Sante Marie, Merêt e Roncjetis" di Laurin Zuan Nardin
splanâv.tr. (spla-nâ)
Gjavâ lis diferencis, fâ che diviers elements, materiâi o imateriâi, a sedin ducj compagns (fig.)
esempi
"i guviars si lambichin a limitâ chestis diferencis, a roncjâ, a dispedâ, a cuinçâ, a splanâ, a dreçâ, a unificâ plui che a puedin la mandrie che ur va daûr"
da "Personis e pipins" di Josef Marchet
splanâv.tr. (spla-nâ)
Indreçâ une arme cuintri cdn.
esempi
"palpiere no si bat: cjolt l'è il respîr: / Si splanin ju arcabûs: da ducj si tire… / La puare bestie è deventade un draç"