Hai cercato la parola
monolingue
Torna indietro

monolingue

stâ daûr loc.v.
Jessi daûr o dopo di cdn. o di alc (ancje fig.)
esempi
"un om alt e scûr, zovin, stant daûr des primis filis de int, tignint un revolvar in alt parsore dal cjâf, al sbarave doi colps"
da "Te grande place" di Agnul di Spere
stâ daûr loc.v.
Jessi presint e impuartant, tant che cause, tant che agjent, tant che essence sot di un aspiet superficiâl e v.i.
esempi
"nol podeve fâ di mancul di secondâ la corint demagogjiche che e stave daûr di dutis chês decisions"
da "Zuan Batiste Cavedalis - Une vite esemplâr" di Giovanni Pillinini
"lant a viodi i progjets che a stan daûr dai doi coretôrs a vegnin in lûs dôs filosofiis disferentis"
da "Il mestri eletronic" di Ricart Urban
stâ daûr loc.v.
Rivâ a capî cun atenzion un messaç, il davuelzisi di un resonament, di une dinamiche e v.i.
sinonimi
lâ daûr, scoltâ, stâ atent, tignî daûr
esempi
"nol veve propit nissune voie di stâi daûr ae lezion. Al sintive la vôs de mestre a fevelâ da la Italie ma il so cûr nol ritignive nuie"
da "Sul agâr" di Pieri Menis
"e jere sentade devant de television, ma nancje no rivave adore di stâi daûr, piardude tai siei pinsîrs"
da "Di là de rêt" di Jolanda Mazzon
stâ daûr loc.v.
Vê cure di cdn. o di alc
sinonimi
viodi, stâ sot, tignî a ments, tignî di voli, cjalâ, dâ abade, abadâ, badâ, tignî daûr
esempi
"e lavorave intai cjamps de agne e i stave daûr ai fîs"
da "Trê feminis" di Gianni Gregoricchio
"ur stave daûr a lis âfs, lui, che al ûl dâi sot e fâ faturis par vê un costrut di lôr"
da "Lis âfs di Min" di Alviero Negro
"Menie e stave daûr ai lavôrs cence sintî la fadie"
da "La fie çuete" di Maria Forte
stâ daûr loc.v.
Stâ atent e impegnâsi par che cdn. al fasi alc
sinonimi
stâ sot
esempi
""Tu, tu sì, che no tu sês bon di fâti ubidî ne dai mestris ne dai lavorents, che no tu sês bon di stâur daûr…""
da "Mariute" di Ercole Carletti
stâ daûr loc.v.
Ubidî, rispietâ, meti in vore e v.i. une regule, un precet, une istruzion e v.i.
sinonimi
lâ daûr, tignî daûr
esempi
""No 'ndi pierdês une di ocasion, voaltris framassons e liberâi par meti a mâl la religjon di Crist, par discreditâ chei puars predis che a stan daûr al Vanzeli cun umiltât…""
da "Int di masnade" di Alviero Negro
stâ daûr loc.v.
Vê e mostrâ interès sentimentâl o sessuâl par cdn.
sinonimi
vignî daûr, lâ daûr, stâ sot
esempi
"dîs che ducj i stan daûr / tentin ducj di inamorâle: / ducj oressin il so cûr: / ducj domandin di sposâle"
da "La volp no ûl ceriesis" di Pieri Çorut
"Milio i stave daûr ae Taresie, e al lave a cjatâle in cjase"
da "Culumie" di Meni Ucel
stâ daûr loc.v.
In costruzions cun "a" e un infinît, par rindi une azion continuade
sinonimi
jessi daûr
esempi
"chê altre dì, che al jere chel timpat, o stavi daûr a scuadrâ il len par un pâr di dalminis"
da "Lis predicjis dal muini" di Josef Marchet
Torna in Cima