Hai cercato la parola
monolingue
Torna indietro

monolingue

stâ sù loc.v.
Jessi e restâ in posizion verticâl
sinonimi
stâ in pîts, stâ dret, stâ impins
esempi
"i cjapà une tremarole di no rivâ a stâ sù"
da "La tiere di Lansing" di Maria Forte
stâ sù loc.v.
Restâ sveât
sinonimi
stâ in pîts, stâ impins
esempi
"[lis trê brûts] e àn scomençât a stâ sù une gnot parom dongje il jet de lôr puare madone"
da "La brût" di Catarine Percude
"al scugnive stâ sù fin tart par sierâ il cine"
da "Pre Pitin" di Antoni Beline
stâ sù loc.v.
Esisti e durâ intune cierte cundizion
sinonimi
stâ in pîts, tignî pont, tignî bot, stâ impins
esempi
"la Svuizare, par esempli, e sta sù, salde e unide, tant ben che mai, parcè che la sostance de sô unitât e dal so patriotisim no je la liende di Guglielmo Tell, ma la cussience de sô situazion gjeografiche e de sô economie"
da "La sgarfade dal cjan" di Josef Marchet
stâ sù loc.v.
Jessi e restâ adalt intun spazi, in particolâr restâ sul pêl da la aghe o su la superficie di un licuit
sinonimi
sta parsore
esempi
"al veve nadât fin che al veve podût cirint di slontanâsi de nâf e, cuant che nol podeve plui, al rivà adore di ingrimpâsi tor di doi cadavars di soldâts che strents un cul altri a stavin sù su la aghe…"
da "Sul agâr" di Pieri Menis
stâ sù loc.v.
Vê un valôr o meti un presit alt
esempi
""Dît po: na savaressis ua ce ca ai paia las piels a chi chi da Bucari?" "Mah! … Dibodibot i stentarès a saviasju a dî. Ma provait a stâ sù di istès. Jo i crout ca ai las pai mancumâl""
da "Las barghessas di Nart Palot" di Tite Bulfon
proverbi
"sta sù boton fin che o soi fûr di chest porton"
"une vît cence arbul no sta sù"
Torna in Cima