SuperDizionari

stâ sot loc.v.

Stâ plui injù di alc o di cdn.

esemplis

"[la antene] le vin montade intune oficine a Breçà, bulon par bulon, e dopo le vin puartade sù a Forgjarie. Li, jo o direzevi i lavôrs stant sot e Elio e Fiorello a stevin rimpinâts par tirâ sù i tocs"

gjavât fûr di "Un Friûl difarent: i 90 mhz di Onde Furlane" di Max Mauro

stâ sot loc.v.

Stâ intune posizion jerarchiche subordenade

esemplis

"[chei che no jerin scjampâts dopo Cjaurêt] a speravin di rivâ a puartâle fûr parcè che a jerin usâts a stâ sot"

gjavât fûr di "Cjase di Dalban" di Maria Forte

"nol pues rivâ nuie di bon cuant che si oblee une persone a stâ sot , a parâ jù, a gloti un altre culture, come che a àn fat cun tancj di nô"

gjavât fûr di "Il cjâf dai furlans" di Franc Fari

stâ sot loc.v.

Cun riferiment a une idee, a un concet e sim., jessi la fonde di un discors, di un resonament

esemplis

"e je cheste la idee che e sta sot de intese firmade a Dicembar passât te sede de Regjon a Udin jenfri la ARLeF [...] e la ASS 5"

gjavât fûr di "La cicogne in marilenghe" di Redazion La Patrie dal Friûl

stâ sot loc.v.

Jessi platât ma impuartant

sinonims

stâ daûr

esemplis

"al voleve capî ce che al stave sot di chê gjenerositât"

gjavât fûr di "Il muc" di Roberto Ongaro

stâ sot loc.v.

Lâ daûr jessint une vore dongje

esemplis

" sence viarzi bocje e cul cjâf bas, e veve ripiât a cjaminâ. Ma il plevan nol veve nissune intenzion di molâle e i stave sot"

gjavât fûr di "Îr e doman" di Gianni Gregoricchio

stâ sot loc.v.

[TS] (sport) Stâ une vore dongje di un aversari o dal balon

esemplis

""Môf chês gjambis di miarde, sta sot a chê bale!”"

gjavât fûr di "Donald dal Tiliment" di Stiefin Morat

stâ sot loc.v.

Tune strade, cjaminâ o lâ indevant une vore in bande, plui lontan che si pues dal mieç de strade

esemplis

""Sta sot, che a passin machinis""

stâ sot loc.v.

Vê cure di cdn. o di alc

sinonims

viodi, stâ daûr

esemplis

""Ancje jo o ai di stâur sot ai miei interès. Nol abadial ancje lui ai siei?""

gjavât fûr di "Int di masnade" di Alviero Negro

stâ sot loc.v.

Impegnâsi par otignî un risultât

sinonims

stâ daûr

esemplis

"bisugnarès che chei che a son bogns di fâ e di meti dongje lis robis a scomencin a pensâi e a stâi sot fin di cumò, par meti in vore, un an daûr chel altri, alc di biel e di grant"

gjavât fûr di "La Europe des patriis" di Pieri Grassi, Sandri dai Juris

"di sigûr o starai sot ae Farie, che e à di lâ indenant simpri pal miôr"

gjavât fûr di "Teatri par furlan, ma par cui?" di Christian Romanin

stâ sot loc.v.

Stâ atent e impegnâsi par che cdn. al fasi alc o domandâ, cirî di vê alc cun ustinazion

sinonims

stâ parsore, stâ daûr

esemplis

"cui si sintial di sustignî che cierte int no àn dade e no stan dant une man pal Friûl? Si tratarà di stâur sot, di invoiâju, di judâju cu la critiche e ancje cu la laut cuant che a meretin"

gjavât fûr di "A 'nd è ancjemò furlans" di Antoni Beline

stâ sot loc.v.

Vê e mostrâ interès sentimentâl o sessuâl par cdn.

sinonims

lâ daûr, stâ daûr, vignî daûr

esemplis

"al à scomençât a stâi sot a di une altre fantate dal borc sperant di fâi rabie ae Bete"

gjavât fûr di "Rosaris" di Meni Ucel

stâ sot loc.v.

[TS] (zûcs) Tai zûcs di grup, jessi chel che, in volte, i tocje di vê une funzion speciâl, par esempli cirî chei altris cuant che si zuie di platâsi

esemplis

"e jere deventade la flabe insiliose dai fruts di ducj i borcs; che zuiant a zigavin a chel che al «stave sot»: - Ane Manat - cul cûl tal plat - cui pîts difûr - corimi daûr..."

gjavât fûr di "La aghe dal Ariul" di Maria Forte

"fâ la conte par decidi cui che al steve sot"

gjavât fûr di "Faliscjis" di Cristina Noacco

monolengâl