Hai cercato la parola
monolingue
Torna indietro

monolingue

stâ sot loc.v.
Stâ plui injù di alc o di cdn.
esempi
"[la antene] le vin montade intune oficine a Breçà, bulon par bulon, e dopo le vin puartade sù a Forgjarie. Li, jo o direzevi i lavôrs stant sot e Elio e Fiorello a stevin rimpinâts par tirâ sù i tocs"
da "Un Friûl difarent: i 90 mhz di Onde Furlane" di Max Mauro
stâ sot loc.v.
Stâ intune posizion jerarchiche subordenade
esempi
"[chei che no jerin scjampâts dopo Cjaurêt] a speravin di rivâ a puartâle fûr parcè che a jerin usâts a stâ sot"
da "Cjase di Dalban" di Maria Forte
"nol pues rivâ nuie di bon cuant che si oblee une persone a stâ sot , a parâ jù, a gloti un altre culture, come che a àn fat cun tancj di nô"
da "Il cjâf dai furlans" di Franc Fari
stâ sot loc.v.
Cun riferiment a une idee, a un concet e sim., jessi la fonde di un discors, di un resonament
esempi
"e je cheste la idee che e sta sot de intese firmade a Dicembar passât te sede de Regjon a Udin jenfri la ARLeF [...] e la ASS 5"
da "La cicogne in marilenghe" di Redazion La Patrie dal Friûl
stâ sot loc.v.
Jessi platât ma impuartant
sinonimi
stâ daûr
esempi
"al voleve capî ce che al stave sot di chê gjenerositât"
da "Il muc" di Roberto Ongaro
stâ sot loc.v.
Lâ daûr jessint une vore dongje
esempi
" sence viarzi bocje e cul cjâf bas, e veve ripiât a cjaminâ. Ma il plevan nol veve nissune intenzion di molâle e i stave sot"
da "Îr e doman" di Gianni Gregoricchio
stâ sot loc.v.
[TS] (sport) Stâ une vore dongje di un aversari o dal balon
esempi
""Môf chês gjambis di miarde, sta sot a chê bale!”"
da "Donald dal Tiliment" di Stiefin Morat
stâ sot loc.v.
Tune strade, cjaminâ o lâ indevant une vore in bande, plui lontan che si pues dal mieç de strade
esempi
""Sta sot, che a passin machinis""
stâ sot loc.v.
Vê cure di cdn. o di alc
sinonimi
viodi, stâ daûr
esempi
""Ancje jo o ai di stâur sot ai miei interès. Nol abadial ancje lui ai siei?""
da "Int di masnade" di Alviero Negro
stâ sot loc.v.
Impegnâsi par otignî un risultât
sinonimi
stâ daûr
esempi
"bisugnarès che chei che a son bogns di fâ e di meti dongje lis robis a scomencin a pensâi e a stâi sot fin di cumò, par meti in vore, un an daûr chel altri, alc di biel e di grant"
da "La Europe des patriis" di Pieri Grassi, Sandri dai Juris
"di sigûr o starai sot ae Farie, che e à di lâ indenant simpri pal miôr"
da "Teatri par furlan, ma par cui?" di Christian Romanin
stâ sot loc.v.
Stâ atent e impegnâsi par che cdn. al fasi alc o domandâ, cirî di vê alc cun ustinazion
sinonimi
stâ parsore, stâ daûr
esempi
"cui si sintial di sustignî che cierte int no àn dade e no stan dant une man pal Friûl? Si tratarà di stâur sot, di invoiâju, di judâju cu la critiche e ancje cu la laut cuant che a meretin"
da "A 'nd è ancjemò furlans" di Antoni Beline
stâ sot loc.v.
Vê e mostrâ interès sentimentâl o sessuâl par cdn.
sinonimi
lâ daûr, stâ daûr, vignî daûr
esempi
"al à scomençât a stâi sot a di une altre fantate dal borc sperant di fâi rabie ae Bete"
da "Rosaris" di Meni Ucel
stâ sot loc.v.
[TS] (zûcs) Tai zûcs di grup, jessi chel che, in volte, i tocje di vê une funzion speciâl, par esempli cirî chei altris cuant che si zuie di platâsi
esempi
"e jere deventade la flabe insiliose dai fruts di ducj i borcs; che zuiant a zigavin a chel che al «stave sot»: - Ane Manat - cul cûl tal plat - cui pîts difûr - corimi daûr..."
da "La aghe dal Ariul" di Maria Forte
"fâ la conte par decidi cui che al steve sot"
da "Faliscjis" di Cristina Noacco
Torna in Cima