Hai cercato la parola
monolingue
Torna indietro

monolingue

stabilî v.tr.
(sta-bi-lî)
Decidi alc, spec. une norme, in maniere uficiâl e par che al duri
sinonimi
fissâ, decidi, ordenâ, deliberâ, destinâ
esempi
"nol veve ancjemò stabilît ben il so avignî"
da "Cjase di Dalban" di Maria Forte
"a son i parons dal vapôr che a stabilissin ce che al va contât e ce che al va tasût"
da "Cuintristorie dal Friûl fin sot la Italie" di Josef Marchet
"il dotôr Carli al veve stabilît di partî par un mesut di licence"
da "Ta la ombrene de canoniche" di Pieri Somede dai Marcs
"la Cjarte Costituzionâl de Republiche taliane, ancjemò frescje di ingjustri, e stabilìs un ordenament autonomistic pes regjons che a formin il Stât"
da "...e la leç e je salve" di Josef Marchet
stabilî v.tr.
(sta-bi-lî)
Osservâ e individuâ in maniere precise
sinonimi
definî
esempi
"Noam Chomsky, insiemi a cualchi altri, al à dit une vore ben che no si pues stabilî diferencis sientifichis fra lenghis e dialets"
da "Il cjâf dai furlans" di Franc Fari
"il miedi legâl al varà ancje stabilide la ore dal decès"
da "Un piçul particolâr" di Fabian Ros
stabilî v.tr.
(sta-bi-lî)
Fâ che alc al sedi in vore, al funzioni, al esisti
esempi
"fondant Aquilee tal 181 i Romans a àn stabilît chenti la lôr paronance"
da "Storie dal popul furlan" di Gian Carlo Menis
"si è rivâts a stabilî une comunicazion cun malâts che si crodeve a fossin in stât vegjetatîf persistent ma che invezit a jerin in stât di cussience minime"
da "La evoluzion dal cerviel e de cussience tai vertebrâts" di Franc Fari
stabilî v.tr.
(sta-bi-lî)
[TS] (edil.) Dâ sù la stabilidure sù pai mûrs
sinonimi
disgresâ, smaltâ
esempi
"par vie des malatiis contagjosis il guvier al à fat stabilî e sblancjâ cu la cjalcine ducj i mûrs"
da "Lis predicjis dal muini" di Josef Marchet
"a i domandà a la mari da comedâ la stanseata sot il puarti. Al batè il teraç, al slargjà il balcon, al stabilì pulît e al de di blanc"
da "Torero" di Novella Cantarutti
stabilî v.tr.
(sta-bi-lî)
[TS] (artes.) Rifinî la piel cuinçade cu la lunete
Torna in Cima