Tu âs cirût la peraule
monolengâl
torne indaûr

monolengâl

stabil adi.
(sta-bil)
Che no si môf, che nol piert l'ecuilibri, che al reste fer
sinonims
fer, salt
esemplis
"une poie stabile"
stabil adi.
(sta-bil)
Che al dure tal timp
sinonims
costant, definitîf, fis, permanent
esemplis
"lis fuarcis produtivis a dominin la societât, le cjapin dentri interie e in forme difondude, il svilup al devente cundizion stabile e normâl"
gjavât fûr di "Memoriis di politiche linguistiche" di Adrian Cescje
"la int e pensave che la fam, pai puars, e fos une cundizion umane normâl e stabile"
gjavât fûr di "I furlans e la fam" di Riedo Pup
stabil adi.
(sta-bil)
Che al reste costant, che al à pocjis variazions
sinonims
costant, ecuilibrât, perseverant, salt
esemplis
"la justizie no po jessi ni arbitrarie ni libare, e scuen cjalâ nome il dirit, e scuen jessi guviernade di une leç fondamentâl, stabile, resonade, sapiente"
gjavât fûr di "Cirî la caritât" di Josef Marchet
"i puartadôrs di cjarie de sostance eletronegative donadore D (eletrons) o eletropositive acetore A (busis), [...] a mantegnin un cjamp eletric stabil"
gjavât fûr di "Lis celis organichis nanostruturadis" di Lorenzo Marcolini
stabil adi.
(sta-bil)
Che al vîf o che al lavore cun regolaritât o in maniere definitive intun ciert puest
esemplis
"al è di dî che, tal gno paîs, no vin un predi stabil"
gjavât fûr di "Sul florî" di AAVV
"[la ARLeF] cjamade di compits ancje impropris, e je stade e e je inmò segnade di dificoltâts gruessis sul plan de dotazion di personâl stabil"
gjavât fûr di "Relazion dal Grup di lavôr “Planificazion linguistiche”" di Donato Toffoli
""Vivial a Rome aromai stabil?""
gjavât fûr di "Interviste a Dino Zoff" di Christian Romanin
stabil adi.
(sta-bil)
[TS] (meteor.) Di cundizion meteorologjiche, cence perturbazions
esemplis
"l'anticiclon su la Europe centrimeridionâl al larà indevant a garantî timp stabil fin joibe"
stabil adi.
(sta-bil)
[TS] (chim.) Che nol à procès di decjadiment radioatîf
esemplis
"la comission di sigurece nucleâr (NSC) e à racomandât aes autoritâts locâls di fâ cjoli aes personis evacuadis [...] jodi stabil par prevignî la ingjestion (par esempli cul lat) di jodi-131"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
stabil s.m.
(sta-bil)
Edifici, costruzion
sinonims
costruzion, fabricât, fabriche, imobil
esemplis
"o vevi cjatade subit la sô cjase. Un stabil mingul di piere grise, cul so broili denant"
gjavât fûr di "I forescj" di Alan Brusini, Gian Paolo Linda
"dut, ma dut, stabii, mobii e furniments di cjase, done Cheche, ju lassave ai puars"
gjavât fûr di "Il tesaur di done Cheche" di Pieri Menis
torne sù