"ogni dì e je la stesse solfe: jevâsi a sîs siet oris di matine, a vore, cjase juste un scjampon sul misdì a mangjâ di corse, a vore, sierâsi cjase a sere a mangjâ une bocjade, un fregul di television e cori a durmî che doman si à di jevâsi a sîs"
da "Sul florî" di AAVV
stesadi.dim.
Par dâ plui fuarce e enfasi a un pronon, a un adietîf o a un sostantîf
esempi
"la veretât e jere che nol olsave confessâ a se stes une pôre antighe"
da "Par stradis lungjis" di Alan Brusini
"si sintive aromai come isolade te sô stesse famee"
da "Cjase di Dalban" di Maria Forte
"pensant a la feride, Pieri stes nol rivà a stratignî un sgrisul"
da "Tal ospedâl" di Amedeo Giacomini
stesadi.dim.
Tant che rinfuarç e par indicâ che alc o cdn. al è chel che si veve za fevelât
"cuant che [il vueli] al è cjalt scotâ il poleç taiât a tocs e po gjavâlu e tignîlu in bande. Tal stes vueli scotâ i gjambars e po gjavâju e tignîju in bande"
da "Mar i muntanya" di Sandri Carrozzo
stesadi.dim.
Considerât par so cont, in te sô essence
esempi
"chel che al à sustât Rusticus e i poliziots nol è, come che [Tellini] al crôt, la "Preere pa pâs” [...], ma il fat stes di doprâ il furlan tant che lenghe par fâ une riviste"
da "Il lunari mai jessût - Tellini te prime vuere mondiâl" di Donato Toffoli
"o volevin che si ves di distingui tra i dialets [...] par no disvuedâ di significât l'art. 6 de Costituzion, e il concet stes di minorance linguistiche"
da "Memoriis di politiche linguistiche" di Adrian Cescje
stespron.dim.
Robe compagne o ecuivalente
esempi
"chel o chel altri, par me al è il stes"
proverbi
"cui che nol vûl che al mandi mes, cui che al vûl che al ledi stes"