Tu âs cirût la peraule
monolengâl
torne indaûr

monolengâl

stimâ v.tr.
(sti-mâ)
Cjapâ in considerazion e fâsi une idee, une opinion, definî une valutazion
sinonims
calcolâ, considerâ, stazâ, vandi, misurâ, pesâ
esemplis
"il nodâr lu veve ancje conseât di fâ stimâ la proprietât di un perît di sô fiducie"
gjavât fûr di "Il sium di Lissandri" di Franca Mainardis
"[ai sommeliers] ur baste chê lagrime par induvinâ la cualitât e stimâ la bontât di chel vin"
gjavât fûr di "La civiltât dal fum" di Riedo Pup
stimâ v.tr.
(sti-mâ)
Vê une cierte opinion di alc o di cdn.
sinonims
calcolâ, crodi, pensâ, ritignî, tignî, considerâ
esemplis
"chei pôcs [sotans], po, che a vignivin sielts, smondeâts e vistûts par servî il paron e i siei invidâts, a jerin stimâts cuasi sorestants"
gjavât fûr di "I furlans e il cjistiel" di Riedo Pup
"salacor no veve gust che al les a cjase sô cussì tart, ma se nol lave, e podeve ancje ofindisi e stimâlu un vilan"
gjavât fûr di "Prime di sere" di Carlo Sgorlon
stimâ v.tr.
(sti-mâ)
Vê une buine opinion di cdn. o di alc
sinonims
calcolâ, considerâ, preseâ
esemplis
"cuant che une femine no po stimâ il so cristian, la sagre dal amôr e riscje di jessi finide"
gjavât fûr di "Lis predicjis dal muini" di Josef Marchet
stimâ v.tr.
(sti-mâ)
Soredut in espressions esclamativis e retorichis, pandi une critiche fuarte, une opinion negative su cdn. o su alc
esemplis
""O stimi voaltris doi…" ur disè a Tite e a Taresie. "O sês par deventâ nonos… e cjalait li, ce musis… Magari jo, une dì!""
gjavât fûr di "Trê feminis" di Gianni Gregoricchio
""Stimi vô jo, porc di om, a no visâmi!""
gjavât fûr di "La cjargnele dal avout" di Giovanni Gortani
detulis
"al vûl un brâf mestri a stimâ une fabriche"
"al vûl un dal art a stimâ il gjenar"
"bisugne sei da la art par stimâ une fabriche"
"cui che al stime al compre"
"cui che al stime nol compre"
"i purcits si ju stime a pês"
"no stâ fevelâ se no tu sês clamât e tu sarâs stimât"
torne sù