SuperDizionari

stratignî v.tr.
(stra-ti-gnî)

Fâ che alc, materiâl o imateriâl, o cdn. no si slontani (ancje fig.)

sinonimi

blocâ, fermâ, staronzâ, taiâ, tignî sot

esempi

"po stâi che no mi perdonàs di no jessi stât bon di volêi ben a Geneviève e di stratignîle a Tesis"

da "Il dolfin" di Carlo Sgorlon

"al sierà i voi pinsirôs come par stratignî i ricuarts e par grampâ une riflession"

da "Il lôf" di Fabian Ros

stratignî v.tr.
(stra-ti-gnî)

Rivâ a tignî controlât un impuls psicologjic o fisic

sinonimi

contignî, frenâ, reprimi, dominâ, tignî indaûr, tignî dûr, scjafoiâ, tignî, tignî sot

esempi

"al sintì un altri sfuarç di gomit, po la bocje plene di sanc. Nol rivà a stratignîlu . Si pleà indenant e al colà jù fûr di sintiment sul asfalt"

da "Tal ospedâl" di Amedeo Giacomini

"cuant che la canaie triste i sberlave daûr "Ve la çuete!" Jê e stratignive la rabie par che no i rivàs al cûr tant pront a patî"

da "La fie çuete" di Maria Forte

stratignî v.tr.
(stra-ti-gnî)

[TS] (fis.) Mantignî dentri di se une sostance o une energjie

esempi

" la aghe e à une capacitât termiche, ven a stâi une capacitât di stratignî il calôr, cetant plui alte di chê dal teren"

da "Notis di meteorologjie pal Friûl - Vignesie Julie" di Stefano Micheletti, Marcellino Salvador

monolingue