Hai cercato la parola
monolingue
Torna indietro

monolingue

stret adi.
Limitât tal spazi, spec. tal sens de largjece
sinonimi
piçul
esempi
"un prât lunc e stret fra lis boschetis"
da "Il muc" di Roberto Ongaro
"il troi al jere stret e cence ripârs di sorte, là che si passave un daûr l'altri e cence cjariis cun se, ma simpri atents a no meti un pît in fal"
da "Funerâl a Pâl Piçul" di Pieri Menis
stret adi.
Di volt, comedon, zîr e sim., che al à un mudament di direzion impuartant in pôc spazi, o ancje che come traietorie si ten indentri
esempi
"tun volt, avonde stret, i cjapà un grant spac, che scuasit ur petave cuintri un cjar"
da "La tiere di Lansing" di Maria Forte
stret adi., av.
Di lengaç, mût di cjacarâ e v.i., cence dividi ben i suns, ancje cuntun acent locâl fuart
esempi
"a tabain stret e svelt"
da "I forescj" di Alan Brusini
"il cjargnel stret di Culino"
da "Cul pît su la buse" di Gianfranco Pellegrini
stret adi.
Tignût dentri di alc che al cjape, che al siere, che al limite, che al fasse e v.i.
esempi
"il so voli invezit al si fermà sul ritrat di sô mari, inzalît dal timp, stret intune puare suazute di len"
da "Il segno" di Pieri Somede dai Marcs
stret adi.
Di vistiari, scarpe, manece o sim., che al sta dongje dal cuarp
esempi
"i cai tes scarpis stretis"
da "La lenghe" di Giovanni Del Puppo
stret adi.
Che al è tacât di altris elements, che al à pôc puest
esempi
"cun dute chê int o jerin strets"
da "Jo e Graziella" di Mario Beltramini
stret adi.
Di rapuart, relazion, parintât e v.i., dret, che al ten dongje
esempi
"no à nissune impuartance la union largje o strete dal Friûl cun Rome"
da "No si à di judicâ il passât cu la mentalitât di cumò" di Josef Marchet
stret adi.
Che al à une fuarte aderence, corispondence e sim. (fig.)
esempi
"la grafie di une lenghe di culture no po jessi il riflès stret de oralitât"
da "La grafie furlane normalizade" di Xavier Lamuela
"la dipendence di proporzionalitât strete fra la intensitât di lûs e la intensitât di corint eletriche"
da "Aplicazions des celis organichis nanostruturadis" di Lorenzo Marcolini
stret s.m.
Spazi piçul
esempi
"chel sbati li, tal stret, al veve un sun muart"
da "La aghe da pît la cleve" di Dino Virgili
"al cjapà dute la viamence che il stret dal puint al podeve permeti"
da "Il cop" di Laurin Zuan Nardin
stret s.m.
[TS] (gjeogr.) Ancje cun iniz. maiusc., toc di mâr jenfri dôs tieris che scuasi si tocjin
esempi
"passât il stret di Messina cul mâr agjitât al veve viodût la cueste de Calabrie voluçade te fumate"
da "La vuere di Checo" di Checo Tam
stret s.m.
Pocje disponibilitât di risorsis (fig.)
esempi
"Menie e jere in stret di bêçs, ma e saveve rangjâsi"
da "La fie çuete" di Maria Forte
proverbi
"miôr stret che no puaret"
"vuardâsi dai parincj strets come des scarpis stretis"
Torna in Cima