Tu âs cirût la peraule
monolengâl
torne indaûr

monolengâl

striçâ v.tr.
(stri-çâ)
Someti a une fuarte pression, soredut par fâ vignî fûr un licuit o un contignût
sinonims
strucâ
esemplis
"e sbateve e e striçave la robe dopo di vêle ben svuacarade plui voltis ta la aghe"
gjavât fûr di "Cretevierte" di Roberto Ongaro
"tirait mo jù, cjare la mê femine, un pâr di chei raps, e po cjolêt une tace e po striçait biel biel i grans"
gjavât fûr di "El meracul da ue" di Dolfo Zorzut
striçâ v.tr.
(stri-çâ)
Sierâ cun fuarce
sinonims
strenzi
esemplis
"Grivôr al veve striçât i voi par no viodi chel lusôr"
gjavât fûr di "Grivôr" di Franca Mainardis
" al striçà il nâs fra doi dêts bruntulant: “Diu gno, ce puce di rosean!…”"
gjavât fûr di "Cjase di Dalban" di Maria Forte
striçâ v.tr.
(stri-çâ)
Cjapâ cun fuarce (ancje fig.)
sinonims
cjapâ, strenzi, strucâ
esemplis
"se tu âs la morose, il cuarp al brame di bussâle e di striçâle"
gjavât fûr di "Faliscjis" di Cristina Noacco
"il rimuars dal desideri passât i striçave la bocje dal stomi"
gjavât fûr di "Trê feminis" di Gianni Gregoricchio
striçâ v.tr.
(stri-çâ)
Fâ deventâ plui piçul o obleâ a stâ intun spazi piçul (ancje fig.)
esemplis
"striçâ simpri di plui i spazis pes realtâts minoritariis des autonomiis"
gjavât fûr di "La propueste di Patrie Furlane par un “cartel” des minorancis pes elezion dal 2018" di Walter Tomada
striçâ v.tr.
(stri-çâ)
Fâ mâl, fâ dam, distruzi (fig.)
sinonims
fruçâ, sfracaiâ, disfâ, sdrumâ, tamesâ, drazâ, massacrâ, frapâ
esemplis
"la grande burascje che par cinc agns e à massacrade la Europe, striçant dentri popui e nazions"
gjavât fûr di "Cuintristorie de Grande Vuere" di Angelo Floramo
striçâ v.tr.
(stri-çâ)
Doprâ cun culumie, fâ rindi fin insom (ancje ass.)
esemplis
"une des robis plui interessantis di chest an al è stât l'incuintri-laboratori «Striçâ, no straçâ» davuelt ai Colonos di Vilecjaze"
gjavât fûr di "Te nestre leterature al mancje inmò alc" di Maurizio Biasizzo
striçâ v.tr.
(stri-çâ)
Fâ fature a tirâ indenant (ass.)
sinonims
stentâ, strussiâ
esemplis
"i altris, cence striçâ e strussiâ tant, a vivevin ta la abondance, in pâs e in caritât"
gjavât fûr di "Il Deu di Cjargne" di Luigi Gortani
"par cumbinâ polente e companadi / ocorial striçâ tant e çavariâ?"
gjavât fûr di "Lu tenteanimis" di Pieri Corvat
striçâ v.intr.
(stri-çâ)
Ancje impers., dâ une cierte impression, fâ previodi alc, jessi dongje di fâ alc o di sucedi
sinonims
dî, menaçâ
esemplis
"il cîl al è dut vualîf di veri grîs e al strice inmò di neveâ e il garbin al taie come un fîl"
gjavât fûr di "La aghe da pît la cleve" di Dino Virgili
detulis
"la robe e dîs di Istât: lavimi ben e stricimi mâl; di Invier: lavimi mâl e stricimi ben"
"o striçâ o sclopâ"
"par ingrumâ bisugne striçâ"
torne sù