SuperDizionari

monolengâl

strucjâ v.tr.
(stru-cjâ)

Disvuedâ un recipient voltantlu injù e fasint che al ledi jù dut il contignût

sinonims

voltâ, zirâ, ribaltâ

esemplis

"e tirà fûr di un scansel une borse e je strucjâ tes mans che si implenarin di bêçs"

gjavât fûr di "Sul agâr" di Pieri Menis

strucjâ v.tr.
(stru-cjâ)

Fâ rivâ alc, sedi materiâl che imateriâl, intor di cdn. o di alc, soredut in grande cuantitât, cun ostilitât e sim. (fig.)

sinonims

butâ, ribaltâ, trai

esemplis

"Vignesie, in chê ocasion e pensà ai siei fats, cence mandâ nissun jutori ai furlans, e dopo ur strucjâ daprûf un grum di insolencis"

gjavât fûr di "Cuintristorie dal Friûl fin sot la Italie" di Josef Marchet

"no je vere che la int e domande dome lis fufignis che nus strucje intor la television"

gjavât fûr di "Çurviei Scjampâts: la emigrazion dute di ridi tal spetacul dal Teatro Incerto" di Laurin Zuan Nardin

strucjâ v.tr.
(stru-cjâ)

Fâ lâ mâl, fâ finî (fig.)

sinonims

ribaltâ, savoltâ, mandâ par aiar, mandâ cui pîts par aiar

esemplis

"cuant che il puar Mucul, a fuarce di slizeriments, al à fat faliment, tu âs dade une man a strucjâlu"

gjavât fûr di "Lis predicjis dal muini" di Josef Marchet

detulis

"a vuelin siet umign a fâ une cjase, e baste une femine a strucjâle"

"cui che al mene al strucje"

"il purcit co al à bevût il lavum al strucje il podin"

"jude cui che al à voie di fâ ben e cui che al vûl lâ in malore judilu a strucjâ"

"la femine savie e drece la cjase e la mate le strucje"

torne sù