Hai cercato la parola
monolingue
Torna indietro

monolingue

su prep.
In posizion plui ad alt rispiet a alc, in gjenar cun contat
sinonimi
daprûf di, parsore, sore, su di, sù par, vie
esempi
"difûr al neveave a grancj flocs blancs e la nêf si ingrumave sui cuvierts"
da "Nadâl ancje par Gjelmin" di Pieri Menis
"lis cjartis di zûc a restarin sparniçadis e fermis su la taule"
da "Cjase di Dalban" di Maria Forte
"si steve cussì benon noaltris li tal cjaldut sentâts sun chê bancjone tal puarte fûr di nape"
da "No je plui vive" di Dolfo Zorzut
"si inviave [...] la «Fieste dai roncs» suntun cuel dai plui biei di Biliris e duncje dai miôrs dal Friûl"
da "La "Fieste dai Roncs"" di Meni Ucel
Vedi anche: sun
su prep.
Par pandi une determinazion di moviment viers di un lûc, cun riferiment a une part che e je adalt o ancje in maniere gjeneriche
sinonimi
intor, parsore, sore
esempi
"a cutuardis agns, cuant che al scuvierzeve il gust di lâ in mont, al leve sù sul Mangart cence nissune fadie"
da "Faliscjis" di Cristina Noacco
"il frêt al rive di sere co al ven jù de mont e al plombe sul paîs"
da "I forescj" di Alan Brusini, Gian Paolo Linda
"al rivà su la puarte e al batè, malsigûr"
da "Rosaris" di Meni Ucel
su prep.
Par introdusi un argoment
sinonimi
a rivuart di, in rivuart a, sul cont di
esempi
"o ai scugnût domandâ perdon di vê scrit cualchi rie sui predis"
da "Rispueste: cjalâ e tasê" di Riedo Pup
"o soi lât in Americhe Latine; o soi tornât e o ai scomençât a publicâ i prins articui sul gno viaç"
da "Interviste a Toni Capuozzo" di Oscar Puntel
su prep.
Par pandi un timp, une cuantitât, une misure e v.i., cun idee di aprossimazion
esempi
"e jere une zornade sul finî dal Invier, cul cîl celestin e il soreglut che al tacave a fâsi sinti"
da "Il muc" di Roberto Ongaro
"al jere compagnât di sô fie, une zovine ben metude sui vincj agns"
da "Interès malandret" di Pieri Somede dai Marcs
"un argagn dut di fier, ancje lis ruedis che al varà pesât sul cuintâl"
da "Amîs come prime" di Alan Brusini
su prep.
Cun valôr distributîf
esempi
"une pussibilitât su cent milions! Ma al è sucedût"
da "Trê feminis" di Gianni Gregoricchio
"Florean al comande nome mieze Basse, ven a stâi un afâr su doi, une pirule su dôs e vie indenant"
da "Donald dal Tiliment" di Stiefin Morat
su prep.
Denant di un numar denominadôr di une frazion
esempi
"trê su nûf al è come un su trê"
su prep.
Par segnâ ripetizion, bondance
esempi
"un che al veve scrit libris su libris e che al faseve di consulent al mont politic e finanziari"
da "L'om che al pierdeve pinsîrs pe strade" di Fabian Ros
su prep.
Par segnâ fadie, sfuarç, dam e v.i.
esempi
"lu ai sintût jo a zigâ inte sale che e jere ore di finîle, che a vevin mangjât avonde sui puars"
da "Int di masnade" di Alviero Negro
su prep.
Par introdusi un obiet logjic
esempi
"Geneviève e tornave a spandi dulintor chel morbin e chê atrative che e veve tant efiet sui fantats"
da "Il dolfin" di Carlo Sgorlon
su prep.
Par introdusi ancje altris complements, par es. di mût, cause e v.i.
esempi
"a nal veva ne che al veva mai vût mudi fati su la sô misura"
da "Torero" di Novella Cantarutti
"e li sun doi pîts, tic e tac, o vin sierât l'afâr"
da "Jo, evasôr fiscâl" di Riedo Pup
"o jeri jentrât te direzion dal Moviment Friûl tal Sorinvier dal 1970, par cooptazion, su propueste di pre Checo Placerean"
da "Memoriis di politiche linguistiche" di Adrian Cescje
su prep.
[TS] (logj.) Tes funzions, par indicâ il cjamp di definizion de aplicazion
esempi
"1/x e je definide su dut il cjamp reâl gjavât 0"
proverbi
"cuant che la nêf e je su la mont Pinêt, par dut il mont al è frêt"
Torna in Cima