SuperDizionari

superâ v.tr.
(su-pe-râ)

Di cdn. o di alc che al è daûr a movisi, passâ devant e lassâ indaûr cdn. altri o alc altri che si môf o ancje alc che al è fer

sinonims

passâ, sorpassâ

esemplis

"cheste musse, ancje se buine e cuiete, no veve propit voie di cori, tant al è ver che l'an prime al travuart la veve superade ancje un mussut, cussi piçul che al podeve passâi sot la panze"

gjavât fûr di "La corse dai mus" di Sante Ninis

"superade la scluse di Pinçan (altri pont gjieografic strategjic, storic, militâr e comerciâl), il grant flum si slargje"

gjavât fûr di "Il Tiliment" di Mario Martinis

superâ v.tr.
(su-pe-râ)

Rivâ a lassâ indaûr un ostacul, une dificoltât, une cundizion e v.i.

esemplis

"cui che nol si avilìs, al supera ducj i mâi"

gjavât fûr di "Catinuta" di Ugo Pellis

"lis dificoltâts che o viodevin e che ogni dì ancjemò o scugnìn superâ"

gjavât fûr di "Un element fondamentâl dal moviment autonomistic" di Josef Marchet

superâ v.tr.
(su-pe-râ)

Rivâ parsore di un ciert nivel di intensitât, grandece, cuantitât e v.i.

sinonims

lâ parsore, passâ, sorpassâ, stramontâ, strapassâ

esemplis

"nissune femine o fantate di Udin e podeve maridâsi fûr de citât se jere parone di une dote che ves superât mil liris, o sei 620 francs aquileiês"

gjavât fûr di "Strolic Furlan pal 1939" di Redazion SFF

"il cjalt al superave i 30°"

gjavât fûr di "Cjans e cristians" di Tarcîs Muc

superâ v.tr.
(su-pe-râ)

Jessi miôr o plui numerôs o plui fuart o sim. di cdn. o di alc altri (fig.)

sinonims

passâ, bati, vinci, stramontâ, strapassâ, sorpassâ

esemplis

"une musicone, in veretât di Diu! … Jo o ai sintude la bande da Udin, chê di Culugne, di Tresesin e di Mussêt; ma cheste di Vignesie lis supere dutis"

gjavât fûr di "Viaç a Vignesie" di Arturo Feruglio

"la produzion leterarie dal daspovuere e supere par cuantitât e ancje par numar di autôrs chê vude des origjnis fin ae fin da la ultime vuere"

gjavât fûr di "Cuintri de retoriche" di Lelo Cjanton

monolengâl