SuperDizionari

superâ v.tr.
(su-pe-râ)

Di cdn. o di alc che al è daûr a movisi, passâ devant e lassâ indaûr cdn. altri o alc altri che si môf o ancje alc che al è fer

sinonimi

passâ, sorpassâ

esempi

"cheste musse, ancje se buine e cuiete, no veve propit voie di cori, tant al è ver che l'an prime al travuart la veve superade ancje un mussut, cussi piçul che al podeve passâi sot la panze"

da "La corse dai mus" di Sante Ninis

"superade la scluse di Pinçan (altri pont gjieografic strategjic, storic, militâr e comerciâl), il grant flum si slargje"

da "Il Tiliment" di Mario Martinis

superâ v.tr.
(su-pe-râ)

Rivâ a lassâ indaûr un ostacul, une dificoltât, une cundizion e v.i.

esempi

"cui che nol si avilìs, al supera ducj i mâi"

da "Catinuta" di Ugo Pellis

"lis dificoltâts che o viodevin e che ogni dì ancjemò o scugnìn superâ"

da "Un element fondamentâl dal moviment autonomistic" di Josef Marchet

superâ v.tr.
(su-pe-râ)

Rivâ parsore di un ciert nivel di intensitât, grandece, cuantitât e v.i.

sinonimi

lâ parsore, passâ, sorpassâ, stramontâ, strapassâ

esempi

"nissune femine o fantate di Udin e podeve maridâsi fûr de citât se jere parone di une dote che ves superât mil liris, o sei 620 francs aquileiês"

da "Strolic Furlan pal 1939" di Redazion SFF

"il cjalt al superave i 30°"

da "Cjans e cristians" di Tarcîs Muc

superâ v.tr.
(su-pe-râ)

Jessi miôr o plui numerôs o plui fuart o sim. di cdn. o di alc altri (fig.)

sinonimi

passâ, bati, vinci, stramontâ, strapassâ, sorpassâ

esempi

"une musicone, in veretât di Diu! … Jo o ai sintude la bande da Udin, chê di Culugne, di Tresesin e di Mussêt; ma cheste di Vignesie lis supere dutis"

da "Viaç a Vignesie" di Arturo Feruglio

"la produzion leterarie dal daspovuere e supere par cuantitât e ancje par numar di autôrs chê vude des origjnis fin ae fin da la ultime vuere"

da "Cuintri de retoriche" di Lelo Cjanton

monolingue