SuperDizionari

svicinâsi v.pron.intr.
(svi-ci-nâ-si)

Lâ dongje

sinonimi

sdongjâsi, fâsi incà, lâ dongje, tirâsi incà, vignî dongje, vignî incà, fâsi sot, vignî sot

esempi

"un contadin al cuche fra lûs e scûr un bossul di feminis che si cisichin fra di lôr. Si svicine biel plan in scuindon, e lis sint a fevelâ di un viaç"

da "Un paîs misteriôs" di Luigi Gortani

"si dîs che cuant che si svicinave Atile, tancj siôrs che a jerin a stâ tai paîs de Basse che a son stâts brusâts, a vedin scuindût tesaurs di monedis di aur in cualchi poç"

da "Friûl di Magance" di Sandri Carrozzo

Vedi anche: vicinâsi, avicinâsi

svicinâsi v.pron.intr.
(svi-ci-nâ-si)

Someâsi o podê jessi comparât cun alc o cun cdn. par caratar, cualitât, nivel e v.i.

esempi

"un furlan che si svicine a chel che cumò al ven clamât coinè"

da "Leterature furlane" di Cristina Cescutti

svicinâsi v.pron.intr.
(svi-ci-nâ-si)

Tacâ a studiâ, a fâ, a interessâsi di alc (fig.)

esempi

"chescj esemplis a son la dimostrazion che une gnove gjenerazion si svicinave aes tematichis dal autonomisim"

da "Un Friûl difarent: i 90 mhz di Onde Furlane" di Max Mauro

"lui al è prin di dut un grant poete e un poete dramatic e duncje bisugne svicinâsi a lui pal troi de estetiche"

da "Turoldo e il so Friûl" di Antoni Beline

svicinâsi v.pron.intr.
(svi-ci-nâ-si)

Cjapâ pratiche, confidence, simpatie e v.i. cun cdn. o cun alc (fig.)

esempi

"une maniere par svicinâsi a la int e fâ viodi che ancje une aziende multinazionâl dulà che si dopre l'inglês par comunicâ, e pues doprâ la lenghe fevelade de int"

da "La braùre... di jessi stupits!" di Dree Venier

svicinâsi v.pron.tr.
(svi-ci-nâ-si)

Puartâ, meti o fâ rivâ alc o cdn. dongje

monolingue