Hai cercato la parola
monolingue
Torna indietro

monolingue

svilup s.m.
(svi-lup)
Il procedi o fâ procedi alc daûr di une dinamiche che lu fâs evolvi, che lu fâs rivâ a cierts risultâts
sinonimi
aument, cressiment, cressite, disvoluçament, espansion, increment, progrès, disvilup
esempi
"il stes pericul - ce plui ce mancul fuart - al sta parsore e al scjafoie lis lôr libertâts politichis, il lôr svilup culturâl: il centralisim nazionâl"
da "Europe regjonaliste" di Josef Marchet
"nol conven movi masse adore la Regjine che e podarès jessi atacade di tocs e pedons aversaris e chest al podarès causâ pierditis e ritarts tal svilup dal zûc"
da "Zuìn di scacs" di Nilde Teresa Negro
svilup s.m.
(svi-lup)
[TS] (econ.) Cressite des grandecis economichis principâls tal timp
sinonimi
disvilup
esempi
"La capacitât di doprâ il cjarbon e fasè alçâ sù ducj i parametris di svilup de nestre civiltât"
da "Autonomie energjetiche nol vûl dî autarchie" di Matteo Mazzolini
"iniziativis economichis ispiradis dai principis di un model di svilup uman e sociâl sostignibil"
da "Guide par un consum just e solidâl" di Buteghe dal Mont, Luche Nazzi
svilup s.m.
(svi-lup)
Il puartâ indevant cun ordin e profonditât un argoment, di une idee e v.i.
sinonimi
aprofondiment, davuelziment, elaborazion, tratazion, disvilup
esempi
"chest ultin aspiet al merte un svilup particolarizât, che o fasarìn plui indenant"
da "La grafie furlane normalizade – Introduzion" di Xavier Lamuela
svilup s.m.
(svi-lup)
[TS] (biol.) Complès dai procès che a puartin un organisim vivent ae sô forme madure e definitive
sinonimi
cressite, disvilup
svilup s.m.
(svi-lup)
Cressite fisiche e psichiche di une persone tal moment de pubertât
sinonimi
cressite, disvilup
esempi
"iI zovenuts dal borc, su la etât dal svilup, [...] a scugnivin contentâsi di cucâ pai barcons, viodint la manfrine dai grancj, za che a jerin seradis risiervadis ai adults"
da "Sale di bal" di Galliano De Agostini
svilup s.m.
(svi-lup)
[TS] (fotogr.) Procès che al permet di viodi la imagjin che e je suntune pelicule o lastre impressionadis
sinonimi
disvilup
esempi
"si fâs le inversion, el svilup che al compuarte el percors contrari di chel de pelicule fotografiche"
da "Walter Pauluzzo Dal cine-fêr al cine neorealistic, a Buje subit dopo de uere" di Laura Nicoloso
svilup s.m.
(svi-lup)
[TS] (mat.) Scomposizion di une espression o di une funzion in fuarce dal calcul di altris espressions o funzions cognossudis
sinonimi
disvilup
svilup s.m.
(svi-lup)
[TS] (gjeom.) Operazion di proietâ la superficie di une figure solide suntun plan cence mudâ i angui e la lungjece des liniis
sinonimi
disvilup
Torna in Cima