SuperDizionari

monolengâl

svolâ v.intr.
(svo-lâ)

Movisi tal aiar fasint cuintri ae fuarce di gravitât

esemplis

"lis cisilis a svolavin come matis ator dal cjampanili, e il soreli al gjavave fûr riflès di inceâ des gornis gnovis e des lastris dai barcons"

gjavât fûr di "Prime di sere" di Carlo Sgorlon

"o vevi viodût un gnotul che mi svolave parsore dal cjâf in plene dì"

gjavât fûr di "Neapolis" di Checo Tam

"tal cidin, si sintin svolâ i avons"

gjavât fûr di "Sul florî" di AAVV

"dôs voltis i avions dai todescs, svolant râs tiere, a vevin metraiade chê altre spuinde"

gjavât fûr di "Spietant" di Agnul di Spere

Viôt ancje: svualâ, svuelâ

svolâ v.intr.
(svo-lâ)

Viazâ dentri di un aeromobil o di un velivul spaziâl

esemplis

"o ai il brevet e o ai svolât tant te vite"

gjavât fûr di "Un president di transizion" di Christian Romanin

svolâ v.intr.
(svo-lâ)

Di ogjet lizêr, movisi tal aiar sburtât dal vint o sim.

esemplis

"la int intei curtîfs e finive in chê volte di bati, e ancjemò pal aiar e svolave la bule"

gjavât fûr di "Il prin sarasin" di Catarine Percude

"la buere mi varès grimpât e fat svolâ tant che une plume"

gjavât fûr di "Il dolfin" di Carlo Sgorlon

svolâ v.intr.
(svo-lâ)

Movisi par aiar sburtât di une fuarce esterne, ancje violente

esemplis

"e saltà fûr une barufone tremende. Al svolà di dut: il grumalut, tocs di pan, un pac di spongje, sedons, plats, pignatis, tacis…"

gjavât fûr di "Pistums" di Roberto Meroi

"a cjolevin sù i claps jenfri lis Sinis dal binari 3 e ju tiravin ridaçant di gust, cirint di fâ svolâ par aiar chê scjate di bire, rosse"

gjavât fûr di "La scjate rosse" di Agnul di Spere

svolâ v.intr.
(svo-lâ)

Jessi mot o dât cun fuarce (fig.)

esemplis

"nol jere propit di escludi che a svolassin ancje cuatri sganassons"

gjavât fûr di "Stramp" di Laurin Zuan Nardin

svolâ v.intr.
(svo-lâ)

Colâ jù cun fuarce par vie de gravitât

sinonims

colâ, plombâ, precipitâ, sdrumâ

esemplis

"Lele al svole par trentecinc metris. Il so cuarp al bat plui voltis cuintri la mont e cuant che ae fin la cuarde lu ten, plui lungje dal solit pal rimant mancjât, si cjate plui in bas dai amîs"

gjavât fûr di "Faliscjis" di Cristina Noacco

svolâ v.intr.
(svo-lâ)

Movisi cun grande sveltece (fig.)

sinonims

cori, filâ, precipitâsi, scjampâ

esemplis

"il vint soflava a favôr. La barcja svolava"

gjavât fûr di "Il me paîs" di Federigo Comelli

svolâ v.intr.
(svo-lâ)

Movisi tal aiar tant che mieç di trasmission

esemplis

"i glons di duti li cjampani da li vili a svualavin pa la aria glaçada"

gjavât fûr di "Scûr e lusour" di Novella Cantarutti

"la ultime note dal piano e svolà di bessole tal aiar, si strucjà difûr marcolant pal zardin indurmidît, e svampì"

gjavât fûr di "La aghe da pît la cleve" di Dino Virgili

svolâ v.intr.
(svo-lâ)

Spandisi svelt (fig.)

esemplis

"tai paîs lis novitâts a svolavin e ca di un pôc ducj a varessin savût cui che al jere"

gjavât fûr di "Prime di sere" di Carlo Sgorlon

svolâ v.intr.
(svo-lâ)

Dal pinsîr o sim., indreçâsi a un ogjet, a un argoment (fig.)

sinonims

lâ, cori, vagolâ

esemplis

"il pinsîr al jere bielzà daûr a svolâ inta chê isule sintude a innomenâ intal timp de scuele"

gjavât fûr di "Trê feminis" di Gianni Gregoricchio

"Meni al si cuietà e al lassà svolâ lontan il so pinsîr"

gjavât fûr di "Il segno" di Pieri Somede dai Marcs

svolâ v.intr.
(svo-lâ)

Di timp, cori vie svelt (fig.)

sinonims

cori, cori vie, fuî, lâ vie, scjampâ, scjampâ vie, svolâ vie

esemplis

"mi cjati ancje dispès cu lis mês amiis e, cuant che o passi il dopo misdì cun lôr, fra compits, babadis, ridadis e strambolots, mi divertìs une vore e il timp al svole"

gjavât fûr di "Sul florî" di AAVV

detulis

"bêçs di pote ai van che ai trote; bêçs di stole ai van che ai svole"

"cui che al cor al cor e cui che al scjampe al svole"

"il timp al svole"

"la peraule e svole, la cjarte e reste"

"no bisugne cjapâ dutis lis moscjis che a svolin"

"robe di stole e va che e svole"

torne sù