Hai cercato la parola
monolingue
Torna indietro

monolingue

svolâ v.intr.
(svo-lâ)
Movisi tal aiar fasint cuintri ae fuarce di gravitât
esempi
"lis cisilis a svolavin come matis ator dal cjampanili, e il soreli al gjavave fûr riflès di inceâ des gornis gnovis e des lastris dai barcons"
da "Prime di sere" di Carlo Sgorlon
"o vevi viodût un gnotul che mi svolave parsore dal cjâf in plene dì"
da "Neapolis" di Checo Tam
"tal cidin, si sintin svolâ i avons"
da "Sul florî" di AAVV
"dôs voltis i avions dai todescs, svolant râs tiere, a vevin metraiade chê altre spuinde"
da "Spietant" di Agnul di Spere
Vedi anche: svualâ, svuelâ
svolâ v.intr.
(svo-lâ)
Viazâ dentri di un aeromobil o di un velivul spaziâl
esempi
"o ai il brevet e o ai svolât tant te vite"
da "Un president di transizion" di Christian Romanin
svolâ v.intr.
(svo-lâ)
Di ogjet lizêr, movisi tal aiar sburtât dal vint o sim.
esempi
"la int intei curtîfs e finive in chê volte di bati, e ancjemò pal aiar e svolave la bule"
da "Il prin sarasin" di Catarine Percude
"la buere mi varès grimpât e fat svolâ tant che une plume"
da "Il dolfin" di Carlo Sgorlon
svolâ v.intr.
(svo-lâ)
Movisi par aiar sburtât di une fuarce esterne, ancje violente
esempi
"e saltà fûr une barufone tremende. Al svolà di dut: il grumalut, tocs di pan, un pac di spongje, sedons, plats, pignatis, tacis…"
da "Pistums" di Roberto Meroi
"a cjolevin sù i claps jenfri lis Sinis dal binari 3 e ju tiravin ridaçant di gust, cirint di fâ svolâ par aiar chê scjate di bire, rosse"
da "La scjate rosse" di Agnul di Spere
svolâ v.intr.
(svo-lâ)
Jessi mot o dât cun fuarce (fig.)
esempi
"nol jere propit di escludi che a svolassin ancje cuatri sganassons"
da "Stramp" di Laurin Zuan Nardin
svolâ v.intr.
(svo-lâ)
Colâ jù cun fuarce par vie de gravitât
sinonimi
colâ, plombâ, precipitâ, sdrumâ
esempi
"Lele al svole par trentecinc metris. Il so cuarp al bat plui voltis cuintri la mont e cuant che ae fin la cuarde lu ten, plui lungje dal solit pal rimant mancjât, si cjate plui in bas dai amîs"
da "Faliscjis" di Cristina Noacco
svolâ v.intr.
(svo-lâ)
Movisi cun grande sveltece (fig.)
sinonimi
cori, filâ, precipitâsi, scjampâ
esempi
"il vint soflava a favôr. La barcja svolava"
da "Il me paîs" di Federigo Comelli
svolâ v.intr.
(svo-lâ)
Movisi tal aiar tant che mieç di trasmission
esempi
"i glons di duti li cjampani da li vili a svualavin pa la aria glaçada"
da "Scûr e lusour" di Novella Cantarutti
"la ultime note dal piano e svolà di bessole tal aiar, si strucjà difûr marcolant pal zardin indurmidît, e svampì"
da "La aghe da pît la cleve" di Dino Virgili
svolâ v.intr.
(svo-lâ)
Spandisi svelt (fig.)
esempi
"tai paîs lis novitâts a svolavin e ca di un pôc ducj a varessin savût cui che al jere"
da "Prime di sere" di Carlo Sgorlon
svolâ v.intr.
(svo-lâ)
Dal pinsîr o sim., indreçâsi a un ogjet, a un argoment (fig.)
sinonimi
lâ, cori, vagolâ
esempi
"il pinsîr al jere bielzà daûr a svolâ inta chê isule sintude a innomenâ intal timp de scuele"
da "Trê feminis" di Gianni Gregoricchio
"Meni al si cuietà e al lassà svolâ lontan il so pinsîr"
da "Il segno" di Pieri Somede dai Marcs
svolâ v.intr.
(svo-lâ)
Di timp, cori vie svelt (fig.)
sinonimi
cori, cori vie, fuî, lâ vie, scjampâ, scjampâ vie, svolâ vie
esempi
"mi cjati ancje dispès cu lis mês amiis e, cuant che o passi il dopo misdì cun lôr, fra compits, babadis, ridadis e strambolots, mi divertìs une vore e il timp al svole"
da "Sul florî" di AAVV
proverbi
"bêçs di pote ai van che ai trote; bêçs di stole ai van che ai svole"
"cui che al cor al cor e cui che al scjampe al svole"
"il timp al svole"
"la peraule e svole, la cjarte e reste"
"no bisugne cjapâ dutis lis moscjis che a svolin"
"robe di stole e va che e svole"
Torna in Cima