Hai cercato la parola
monolingue
Torna indietro

monolingue

tîr s.m.
Il butâ, soredut cu lis mans, cui pîts o ancje cun cualchi impres, e il so risultât
sinonimi
lanç
esempi
"un tîr di clap cuintra un arbul"
da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat
tîr s.m.
Lungjece o distance aprossimative che e corispuint a chê fate di alc che al ven butât o trat (fig.)
esempi
"un tîr di clap plui indevant al intopà un mussâr, che al veve un mûl impastanât su la strade"
da "Il matescul di Cjabie" di Luigi Gortani
"no vevin fate tante strade di un tîr di sclope, che a sintirin un grant fracàs"
da "La fuiace de Madone" di Catarine Percude
tîr s.m.
Azion no corete o in ogni câs cun consecuencis negativis par cdn. che no se spietave (fig.)
sinonimi
brut scherç, brut tîr, buzaronade
esempi
"[il maiôr] no si varès mai imagjinât il tîr che Tunin veva zuiâti a la gjandarmaria"
da "Gnot di Sant Silvestri" di Ranieri Mario Cossâr
tîr s.m.
Azion di fâ fuarce su alc o su cdn. par svicinâlu o par tindilu (ancje fig.)
sinonimi
tirade, tiron
esempi
"chei rips, chei salts, chês marculis, / chei scherçs, chei sburts, chei tîrs"
da "Tite Meni e lis babis" di Zaneto
tîr s.m.
[TS] (sport) Scjalade che e à une lungjece che e va de partence a une polse o che e va di une polse a chê dopo
tîr s.m.
Azion di aspirâ e cuantitât di aiar, fum o sim. aspirade intune volte
sinonimi
tirade
esempi
"vueli neri tant che il catar che i sbolsei four la matina cuant che i dai il prin tîr di spagnolet"
da "Donald dal Tiliment" di Stiefin Morat
tîr s.m.
Azion fate intune volte sole, cence interuzions (fig.)
sinonimi
tirade
esempi
"bisugne viodi, puare int, in chê ore li, di chel lavôr li, ce maniere che si ridûs! Mancul mâl che no scuegnin fâ dut un tîr"
da "Il seglot di malte" di Riedo Pup
tîr s.m.
Desideri, voie, ancje improvise, impulsive
esempi
"e vinç, baste che zuei, / e cuant che i ven il tîr, / use a zuiâ cun chei / che piardin vulintîr"
da "La mari contente" di Pieri Çorut
"e veve brincât il mani di une sape par difindisi, cuant che a lui i jere vignût sù il tîr di dâi"
da "Mabile la Lunghine" di Maria Forte
tîr s.m.
Il movi un veicul cu la fuarce di bestiis, o ancje di personis
esempi
""Ce bielis bestiis" si complimentà cun Toni Mucjin. "Eh sì, bielis, ma soredut buinis di tîr""
da "Cjase di Dalban" di Maria Forte
tîr s.m.
Il puartâ cdn. intun puest in machine o cuntun altri veicul (fam.)
sinonimi
passaç
esempi
""Mi dâstu un tîr fin in stazion?""
tîr s.m.
Mût di vistîsi e di regolâsi une vore elegant o di fieste
esempi
""Ce biel vistît! Dulà vâstu cussì in tîr?""
Torna in Cima