SuperDizionari

tabaiâ v.intr.
(ta-ba-iâ)

Fevelâ dal plui e dal mancul, soredut cence masse impegn o dibant

sinonims

babâ, badaiâ, badascolâ, bardelâ, conversâ, craçolâ, discori, fevelâ, peteçâ, resonâ, 'sabaiâ, sbaiafâ, tabaiuçâ, trabascjâ, tratâ, zornâ, cjacarâ

esemplis

""Ce fasêso culì, simpri cjacarâ, simpri tabaiâ, e intant i lavôrs no van indenant"

gjavât fûr di "Ursule" di Pieri Somede dai Marcs

"si po doprâ la lenghe tant par fevelâ che nome par tabaiâ tant par discori che nome par cjacarâ"

gjavât fûr di "I furlans e il fevelâ" di Riedo Pup

"a scomençarin a tabaiâ dal plui e dal mancul, dai lavôrs te cjase che aromai a jerin pes ultimis, dal matrimoni, dai debits che al veve scugnût fâ"

gjavât fûr di "Il muc" di Roberto Ongaro

tabaiâ v.intr.
(ta-ba-iâ)

Fevelâ dai afârs di chei altris

sinonims

peçotâ, peteçâ, slengotâ, cjacarâ

esemplis

"tabaie che ti tabaie, ancje a Condo i vignì tes orelis un alc, un rivoc di ce che si diseve in paîs"

gjavât fûr di "Pensâ mâl" di Meni Ucel

tabaiâ v.intr.
(ta-ba-iâ)

In gjenerâl, esprimisi a vôs, cun dutis lis acezions di "fevelâ"

sinonims

fevelâ, cjacarâ

esemplis

""Se no tu âs il coragjo di tabaiâi al to om, al vûl dî che no je propite dismenteade, cheste storie!""

gjavât fûr di "La foghere" di Luciano Rocco

tabaiâ v.intr., v.tr.
(ta-ba-iâ)

Doprâ une cierte lenghe

sinonims

cjacarâ, fevelâ

esemplis

""Bon, se tu vôs tu pôs tabaiâ par talian [...]""

gjavât fûr di "Geologicamente impossibile" di Fulvio ReddKaa Romanin

"par jessi sù bisugne tabaiâ la lenghe dai parons!"

gjavât fûr di "La nestre storie" di Francesc Placerean

tabaiâ v.intr.
(ta-ba-iâ)

Frontâ un argoment, no dome a vôs, ma ancje tun scrit o par television, par radio e v.i.

sinonims

resonâ, cjacarâ, tirâ fûr, tocjâ, fevelâ

esemplis

"ancje la riviste “Strumenti musicali” e à tabaiât di voaltris"

gjavât fûr di "La musiche e concuiste la scuele" di Piero Cargnelutti

tabaiâ v.intr.
(ta-ba-iâ)

Di fats, reperts, provis, elements che si puedin osservâ e v.i., fâ capî, dâ une testemoneance, fâ capî une cierte realtât (fig.)

sinonims

cjacarâ, fevelâ

esemplis

"lassâ che lis robis a tabain di bessolis"

gjavât fûr di "Ponts di colôr sul mont" di Pieri Cargnelutti

monolengâl