SuperDizionari

tacât adi.
(ta-cât)

Che al è tignût o al reste in contat

esempi

"un biliet par polonês e par inglês tacât cul scotch su chê centrâl al diseve che il congrès al jere rimetût sine die"

da "Messe di misdì a Varsavie" di Agnul di Spere

"l'om al spacà la camisole par parâ jù fros di soreâl tacâts intor"

da "La tiere di Lansing" di Maria Forte

tacât adi.
(ta-cât)

Tant dongje

esempi

"plui dispès si sentave intor di un taulin tacât al mûr, al ordenave di bevi e al stave li a cjalâju"

da "Tal ospedâl" di Amedeo Giacomini

"un grop di cjasis tacadis in cuadri, come i inclustris di un convent"

da "La gjaline robade" di Pieri Menis

"jo cu la mestre, simpri tacade, rugnant, mi soi metût in code"

da "A Aquilee" di Pieri Somede dai Marcs

tacât adi.
(ta-cât)

Di bestie, prontade par tirâ il cjar o sim.

esempi

"sul puarton sierât a vevin cjatâts i nemâi tacâts tal cjar, fers, a spietâ che cualchidun lu vierzès"

da "Perdon o imbroi?" di Pieri Menis

"si smaraveà di viodi il puarton viert e, dentri, il cjaval tacât al caretin"

da "La tiere di Lansing" di Maria Forte

tacât adi.
(ta-cât)

Che al è afezionât une vore (fig.)

sinonimi

afezionât, dedit, interessât, leât, unît

esempi

"Meni al divideve cun ducj lôr cheste gjonde, che al jere une vore tacât al so zimul"

da "Trê feminis" di Gianni Gregoricchio

"po, ducj insiemi, i fradis a fevelâ ae fantate; che a parevin tant bon, cussì tacâts e di figure civîl"

da "Cjase di Dalban" di Maria Forte

"chel bon omp di Svualt che al è tacât cun duta la anima a li sô monts"

da "Catinuta" di Ugo Pellis

tacât adi.
(ta-cât)

Che al à vût principi, che al è stât scomençât e sim.

esempi

"nol jevave inmò no, di mût che cualchi altri, lassant il lavôr za tacât, al tornave a clamâlu"

da "Orazions" di Meni Ucel

"al covente lât indenant sul troi bielzà tacât"

da "Pai dirits linguistics in Friûl - Vignesie Julie 2008-2013" di Comitât 482

monolingue