Hai cercato la parola
monolingue
Torna indietro

monolingue

tai s.m.
Il taiâ e il so risultât
sinonimi
taiade
esempi
"[lis viciniis] a decidevin cemût sfrutâ il teritori, cemût distribuî lis tieris comunis aes fameis, il gjenar di culturis, i timps di aradure e di seseladure. A controlavin il tai dai lens"
da "Liniis di storie sociâl e economiche dal Friûl 1500 – 1800" di Adrian Cescje
"un pît cuntun segn, un tai fat di piçul"
da "Faliscjis" di Cristina Noacco
"la Parche cundun tai, / la mandarà a fâ tiare di bocâi"
da "Pronostic del 1821" di Pieri Çorut
tai s.m.
Toc, cuantitât o estension di robe taiade
esempi
"un tai di cjar di vidiel cuet intun pestât di cevole e, in câs, altris verduris, che dopo a vegnin passadis par fâ une salse"
da "Frico un plat furlan cuntun non di origjin foreste" di Sandri Carrozzo
"Ta chel templi dal tiessût, imerzût tal cupeç e tal nulôr de bombasine e des lanis de Fuline, a jentrarin, cun sudizion, Guido e Nene. "Bundì, chei siôrs! Puedio servîju in alc?" "O varessin voie di viodi di un tai par une mude." e disè Nene"
da "Cretevierte" di Roberto Ongaro
tai s.m.
Forme, figure, struture, proiezion e sim. che si somee cu la linie lassade di une lame che e taie
esempi
"ancjemò gnot su lis cjasis: dome incà e inlà un tai di lûs jenfri i scûrs"
da "La aghe da pît la cleve" di Dino Virgili
tai s.m.
Division nete e fonde (fig.)
esempi
"propit in chest moment, inte gjestion de cooperative si pant un tai net cul passât"
da "Un Friûl difarent: i 90 mhz di Onde Furlane" di Max Mauro
tai s.m.
Part di alc che e taie
esempi
"tirada via da la muela la roncea [...] e provant il tai cul poleiâr, cjalava come distrat traviars il balcon de la cusina"
da "Il me paîs" di Federigo Comelli
tai s.m.
Part strete di alc
esempi
"mi buti in zenoglon e tiri un colp di tai cul fûr dal pît te sô gjambe"
da "Ah! la provincie" di Sandri Di Suald
tai s.m.
[TS] (artes.) Ingjâf sul cjâf di une vît là che si ponte il menevîts
tai s.m.
Tecniche di taiâ i tocs di tiessût par fâ vistîts
esempi
" fin che une sô compagne de scuele di tai, in pinsîr che e fos malade, no rivà [...] a viodi di jê"
da "Trê feminis" di Gianni Gregoricchio
tai s.m.
Maniere che un vistît al è taiât e efiet che al fâs
sinonimi
linie, stîl
esempi
"magari a saran vistîts fats in cjase, cun chel tai perfet, cun chel gust sorefin, cun chê pieçamente di prime cualitât che si po spietâsi tun Gargagnà"
da "Lis predicjis dal muini" di Josef Marchet
tai s.m.
Forme che a son taiâts i cjavei
sinonimi
petenadure
esempi
"mi plâs il tai di cjavei agns '30, une vore di mode a Leipzig jenfri i cultôrs dal folk apocalitic"
da "La maree nere" di Checo Tam
"si meteviur sul cjâf une scudiele e i cjavei si ju tosave ator ator, daûr l'ôr de scudiele. Si diseve, di fat, che al jere un tai a scudiele"
da "Sul florî" di AAVV
tai s.m.
Forme di alc in gjenerâl
sinonimi
fate, linie
esempi
"il tai de muse e il cuel di une sante [piturade] involuçade tun linzûl latisin"
da "I arcs" di Maria Forte
"o olmavi lis piçulis grispis che i segnin il cjanton dai voi; il tai dai lavris ancjemò frescs"
da "Trê feminis" di Gianni Gregoricchio
tai s.m.
Impostazion di un discors, di une opare, di un test e v.i. (fig.)
sinonimi
ande, implant, ton
esempi
"il tai che o ai dât ae mê ricercje nol permeteve di meti dentri dut chel che al è passât pes stanziis di Vie Volturno e di Plaçâl Cella dal 1980 incà"
da "Un Friûl difarent: i 90 mhz di Onde Furlane" di Max Mauro
"la retoriche di pre Checo e veve un tai a ûs chê dai profetis de Biblie"
da "Memoriis di politiche linguistiche" di Adrian Cescje
"poesiis di tai sociâl o esistenziâl"
da "Visions di scoltâ. Ideis di furlan e di Friûl inte produzion musicâl contemporanie" di Marc Stolf
tai s.m.
[TS] (becj.) Ognidune des parts che si use taiâ une bestie macelade
esempi
"par fâ un bon brût si doprin, par solit, tais di cjar avonde puars"
da "E dopo il brût… i vanzums, une miniere di aur" di Margherita Timeus
tai s.m.
[TS] (enol.) Il messedâ dôs o plui cualitâts di vin par miorâ la gradazion alcoliche
tai s.m.
Tace di vin
sinonimi
taiut, tace
esempi
"si contentave di passâ la place e di lâ a bevisi un tai o un cafè coret"
da "Pre Pitin" di Antoni Beline
"al le in ostarie a bevi un tai e a viodi a zuiâ di balis tal curtîl, poiât a un grant morâr"
da "Prime di sere" di Carlo Sgorlon
tai s.m.
Eliminazion, riduzion o interuzion di alc
esempi
"i tais tal belanç decidûts dal Guvier talian pal 2006 a àn puartât a sbassâ dal 40% i bêçs pe ferovie Udin – Cividât"
da "Tais pe ferovie Udin - Cividât" di Redazion Radio Onde Furlane
"cu la fusion [des bancjis] al jere di spietâsi che e vignìs fûr une ristruturazion cun tant di tais. Si lu capive cuant che a àn mandât in pension prime de ore Bergnach e Petin"
da "La rambe" di Fabian Ros
Torna in Cima