SuperDizionari

tambûr s.m.
(tam-bûr)

Strument musicâl a percussion, fat di un cilindri vueit taponât parsore e parsot di dôs membranis

esempi

"si sint passâ par strade une batulie di militârs a sun di tambûr"

da "In cîl e je une stele!..." di Arturo Feruglio

"cetante int, madone! / ce vosâ, ce sunâ; / organets e trombetis, ce petâi / sui tambûrs, ce davoi!"

da "Par vivi" di Emilio Nardini

tambûr s.m.
(tam-bûr)

Azion di propagande, aparât di propagande, persone che si plee ae propagande e che le slargje (fig.)

esempi

"il Duce, diperdoni, no la à inventade [la "grande Italie imperiâl"], le à cjatade, le à doprade e le à slargjade midiant dal racli e dal tambûr"

da "Pronostics" di Josef Marchet

tambûr s.m.
(tam-bûr)

[TS] (tecn.) In diviers mecanisims, toc di forme cilindriche

tambûr s.m.
(tam-bûr)

Panze (fig.)

esempi

"cui pipe, cul jes fûr / a disvuedâ il tambûr"

da "Gnocis furlanis" di Zaneto

tambûr s.m.
(tam-bûr)

Persone une vore pôc inteligjente (fig.)

sinonimi

aloc, baban, balote, basoâl, barbezuan, batecul, batocj, biadin, biât, catùs, cocâl, coion, corli, cudumar, cretin, dordel, gnoc, gnogno, gnognul, gnotul, imbambinît, imbecîl, lodul, mamo, marlup, mauc, martuf, marzoc, mierli, mincjon, mone, monighe, pantalon, pote, râf, salam, semplon, socol, storcli, çus, totolò, trus, bacalà, sturnel, dordul, teto, tarlup, insemenît, incoionît, stupit

esempi

"al veve dit a chel cjaviestri dal fi di Zuanut: «Tu sês un tambûr, come to pari.»"

da "Il «comandatôr»" di Pieri Menis

monolingue