SuperDizionari

tant che loc.coniun.

In comparazions, par pandi someance o par introdusi une esemplificazion

sinonimi

come, sicu

esempi

"dut ros, tant che un gjambar"

da "Ai Piombi!" di Romeo Battistig (?)

"se si vûl viodi il Cjanâl biel tant che un sium di fruts, al baste passâlu fûr cuant che la nêf frescje lu vistìs di blanc"

da "Il cjanâl vistût di blanc" di Josef Marchet

tant che loc.prep.

Par introdusi un predicatîf o une aposizion

sinonimi

come, sicu, di

esempi

"ma o savìn ancje che cheste imprevidence e sarà presentade tant che un esempli luminôs di gjenerositât eroiche"

da "Trombis e tambûrs" di Josef Marchet

"a rivarin tun puest che i parons dal lûc a dopravin tant che legnere"

da "Il muc" di Roberto Ongaro

"inte conference a àn fevelât, tant che puartevôs des associazions furlanis, il vice-president de Societât Filologjiche Furlane, Pier Carlo Begotti, e il rapresentant de Cooperative di Informazion Furlane - Radio Onde Furlane, Carli Pup"

da "482, nassût il comitât" di Redazion Lenghe.net

tant che loc.coniun.

Par introdusi une proposizion consecutive

sinonimi

cussì che, cussì tant che, e cussì

esempi

"persut, socol, lenghe salmastrade, mortadele, salam, ulivis e saradelis nus confuartin, in compagnie a dôs pagnochis di pan cul chimel. Une delizie; tant che si scugne tornâ a mangjâ ancjimò mieze purizion"

da "Viaç a Vignesie" di Arturo Feruglio

tant che loc.coniun.

Par introdusi une conclusive

sinonimi

cussì, e cussì

esempi

"juste su lis oris piçulis si è bonât un fregul, tant che o ai podût fâ un pisul"

da "Lis predicjis dal muini" di Josef Marchet

tant che loc.coniun.

Par introdusi une temporâl, par segnâ contemporaneitât o par segnâ une azion che e dure e che e finìs

sinonimi

intant che, fintant che, che, fin che

esempi

""Sentaitsi un fregul sun chel scagnut alì, tant che o vadi a sierà la farie, e dopo soi a vuestre disposizion!""

da "Meni Fari" di Luigi Gortani

""Vô savês dut chest, pari; e se volês fâmi une grazie, sarès chê di permetimi di fermâ il mio lavôr tant che dure la visite di chei forescj""

da "La Madalene" di Zuan Lurinçon

tant che loc.coniun.

Par introdusi une finâl, ancje intun contest li che si capìs che il mieç par rivâ al fin al è piçul o al baste a pene

esempi

""Cjalait, compari lôf, ce biel formadi che al è là dentri. Us prei lait a cjolilu, tant che i mangji un fregul [...]" "

da "La bolp e il lôf" di Luigi Gortani

""Sì signôr, aio di scrivi sot forme di verbâl?" [...] "No covente, met jù alc tant che mi ricuardi, tu sâs, come il solit""

da "L'avocat e la luianie" di Pieri Somede dai Marcs

monolingue