SuperDizionari

teatri s.m.
(te-a-tri)

Lûc destinât a rapresentazions senichis e spetacui publics

esemplis

"il Logos elenic al evocà il Caos che al è dentri dai oms par dâi a chel la peraule dentri dai cerclis dai teatris e li esorcizâlu cu la art de stesse peraule sublime"

gjavât fûr di "Viaç aes origjins dal Logos" di Adrian Cescje

"[a Gardiscje] tal 1792 al è stât fat un teatri cun plante a “U” e dopli ordin di palcs"

gjavât fûr di "Storie e cronistorie dal teatri in Friûl" di Bepi Agostinis

Viôt ancje: teatro

teatri s.m.
(te-a-tri)

Spetacul public fat intun lûc di pueste

esemplis

"se jo o fos siore e no maridade, o Signôr benedet, no mi pierdarès nancje un teatri, nancje un film a pene vignût fûr intes salis"

gjavât fûr di "Fade o strie" di Barbara Battel

teatri s.m.
(te-a-tri)

Art di rapresentâ fats, storiis e v.i. denant di un public midiant di senis interpretadis di atôrs

esemplis

"iniziativis tal setôr de musiche, dal teatri, dal cine"

gjavât fûr di "Relazion dal Grup di lavôr “Planificazion linguistiche”" di Donato Toffoli

teatri s.m.
(te-a-tri)

Il complès de ativitât e de produzion teatrâl di un autôr, regjist o artist o di un grup, di une ete o di un paîs e v.i.

esemplis

"[Luigi Merlo] al mole il teatri di divertiment, costrenzint il public no dome a pensâ sul caratar di ogni personaç, ma ancje su lis sôs sieltis politichis, storichis e etichis, e dividint cussì il public. Duncje, un teatri che al fâs pensâ"

gjavât fûr di "Storie e cronistorie dal teatri in Friûl" di Bepi Agostinis

"il teatri popolâr al veve bisugne di jessi promovût e di vê un coordenament tra i piçui grups"

gjavât fûr di "Un Friûl difarent: i 90 mhz di Onde Furlane" di Max Mauro

teatri s.m.
(te-a-tri)

Ambient li che al sucêt un fat

sinonims

suaze

esemplis

"a tacâ dal XIV secul, e ancjemò par secui, la Europe e deventarà un teatri permanent di rivoltis fiscâls, urbanis e contadinis"

gjavât fûr di "La invenzion dal stât" di Fabian Ros

monolengâl