SuperDizionari

teme s.f., s.m.
(te-me)

Argoment di tratâ intun discors o intun scrit

sinonimi

argoment, cuistion, sogjet

esempi

"cumò che o ai esplicât il sens dal titul, o cîr di frontâ il teme"

da "Teologjie algjebriche" di Sergio Cecotti

"il Comitât di coordenament des tendopolis e l'Arci a àn dade dongje une cunvigne culturâl [...]. Teme: emigrazion e taramot"

da "Memoriis di politiche linguistiche" di Adrian Cescje

teme s.m.
(te-me)

Sogjet di une opare di art o leterarie

sinonimi

materie, sogjet

esempi

"[in Grande puarte di Hiroshima di Luciano Ceschia] il teme de vuere al ven svilupât in clâf materiche e cuasi astrate"

da "Storie de art in Friûl" di Bepi Agostinis

"o podìn fermâsi cumò su la lote dal gjal cuintri de tartarughe, che o cjatìn tal secont compart. Il teme al è chel de lûs che e vinç il scûr"

da "I mosaics de basiliche di Aquilee" di Giovanni Battauz, Flavio Cossar, Renato Iacumin

teme s.m.
(te-me)

[TS] (mus.) Motîf ae fonde di un discors melodic

teme s.m.
(te-me)

[TS] (ling.) Part fisse di une peraule, li che si lee la desinence

esempi

"il leme "cjase" contrassegnât cu la etichete “sf” al rispuindeve aes istruzions di gjavâ la desinence –e par vê il teme"

da "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot

teme s.m.
(te-me)

[TS] (ling.) Intune proposizion, ce che si calcole za cognossût de bande dal destinatari dal discors, in oposizion al reme, che al è la informazion gnove pal destinatari

monolingue