SuperDizionari

tiermin s.m.
(tier-min)

Limit di une superficie, di un teritori

sinonims

confin, ôr, limit

esemplis

"a è cuestion nomo di cjermins e cunfins / copâ un di ca: tu sês sassin; copâ un di là: tu sês eroe"

gjavât fûr di "Un soldatin" di Giorgio Ferigo

"i cjaminarin fin che i rivarin denant di une muraie: il cjermin ultin che al segnave il cunfin cul nie"

gjavât fûr di "Kebar krossè" di Stiefin Morat

Viôt ancje: cjermin, tiermit, cjermit

tiermin s.m.
(tier-min)

Limit concetuâl, astrat e v.i. (fig.)

esemplis

"plen di gratitudin par chel che i veve dât, pe ricognossince di chel amôr cence tiermins"

gjavât fûr di "Il muc" di Roberto Ongaro

"i autôrs elenics a cognossevin lis oparis omerichis cun grande competence e si riclamavin a chês ancje di là dai tiermins de poesie eroiche"

gjavât fûr di "Jentrade de Odissee" di Sandri Carrozzo, Pierluigi Visintin

tiermin s.m.
(tier-min)

Fin temporâl, moment che al finìs alc (fig.)

sinonims

conclusion, finâl, finiment, insom, fin

esemplis

"dome l'om, cjapât at dal so miserabil evolvi, disperât e cence tiermin, [...] al pues inmaneâ chê disfide che lu stice ae ricercje de veretât"

gjavât fûr di "Il lôf" di Fabian Ros

tiermin s.m.
(tier-min)

Element che al ven considerât intun resonament, intune descrizion e v.i.

sinonims

element

esemplis

"par vê cualchi tiermin di riferiment a nivel internazionâl, o vin di tignî presint che la cuote di ocupazion no utilizade de Gjermanie tal 2016 si è fermade al 5,4%"

gjavât fûr di "Il futûr dal Friûl: laude ae “no sotan” economy" di Fulvio Mattioni

tiermin s.m.
(tier-min)

Massime tal pl., ognidun dai elements principâi che a permetin di definî alc

sinonims

cemût, cussì, di chê bande, par vie

esemplis

"o vin juste tocjâts i tiermins di cheste situazion, che e vûl studiade cun calme e serenitât; o tornarìn ancje sul argoment"

gjavât fûr di "In cercje di democrazie" di Josef Marchet

"[l'assolutisim militarist] mot des strentis visions politichis che lu caraterizin, al detà i tiermins di une politiche vuarbe e tibiadore"

gjavât fûr di "La seconde Irlande" di Carli Pup

tiermin s.m.
(tier-min)

Peraule o espression specifiche di une cierte lenghe, di une cierte dissipline, di un ciert regjistri e v.i.

sinonims

dit, espression, sproc, vôs

esemplis

"un grum di tiermins che a son masculins tal latin leterari, a son feminins par furlan o a ricontrari"

gjavât fûr di "Cuintristorie dal Friûl fin sot la Italie" di Josef Marchet

"paisaç al è un tiermin doprât une vore in chescj timps ma ce che al vûl dî al è cambiât cetant dilunc da la storie"

gjavât fûr di "Studi da la evoluzion dal paisaç mediant i toponims" di Rino Gubiani

monolengâl