SuperDizionari

tignî sù loc.v.

Fâ stâ adalt

esemplis

"il missionari, une volte finît, al tignì sù lis mans, al sierà i voi, al preà un momentin"

gjavât fûr di "I furlans e la confession" di Riedo Pup

tignî sù loc.v.

Fâ che alc o cdn. al stedi impins, verticâl, dret o te sô posizion, dant fuarce o poie o ecuilibri

sinonims

sostignî, tignî in pîts, tignî impins, rezi

esemplis

"al pretindeve cu la sô fuarçate di tignî sù la armadure [che e jere li li par colâ]"

gjavât fûr di "Ce sdrumade" di Pieri Somede dai Marcs

"[l'impresari] al mostrà lis pieris che a varessin tignût sù la loze sul curtîl, e lis travamentis di cjastinâr"

gjavât fûr di "La tiere di Lansing" di Maria Forte

tignî sù loc.v.

Di une part dal cuarp, jessi sane e fuarte avonde di fâ stâ ben impins (ancje fig.)

esemplis

""O vevi ancje la anime strache e lis gjambis no mi tignivin sù""

gjavât fûr di "Dome la cjampanute di Sant Bortul" di Maria Forte

"al veve di rangjâsi. Preâ il Signôr di vê salût, di no inmalâsi mai e di lavorâ fin che la schene lu tignive sù"

gjavât fûr di "I furlans e la pension" di Riedo Pup

tignî sù loc.v.

Dâ fuarce fisiche o psicologjiche o morâl

sinonims

sostignî, tignî in pîts, tignî impins

esemplis

"si sintive pierdude tun disfâsi di dut. None Lise e sfladassave, sù e jù pes scjalis, tantis e mai tantis voltis tune dì, par puartâi alc di tignîle sù… Par obleâle a mangjâ"

gjavât fûr di "Cjase di Dalban" di Maria Forte

"e veve ben di rivâ ancje la ore di podê lâ fûr di li [dal ospedâl psichiatric], une dì o chê altre. Cumò e veve chê sperance a tignîle sù"

gjavât fûr di "Di là de rêt" di Jolanda Mazzon

"Milie no à volût savênt plui di nissun; e veve so pari di viodi di lui, e veve Tonin che al veve tante bisugne di afiet, di jessi tignût sù"

gjavât fûr di "Si disarès che e je inventade" di Pieri Menis

tignî sù loc.v.

Fâ stâ sveât

sinonims

tignî in pîts, tignî impins

esemplis

""[il frutin] Al duar masse di dì! ! No ai vût timp di tignîlu sù iar e cussì al mi à fat mateâ la gnot""

gjavât fûr di "Ninenane" di Ercole Carletti

tignî sù loc.v.

Dâ fuarce, reson, funzionalitât e v.i. a alc di imateriâl

sinonims

sostignî, tignî in pîts, tignî impins

esemplis

"a son otante e passe agn che, par tignî sù il spirt nazionâl, si spude velen e pantan in muse a chei popui che a son nestris vicins di cjase"

gjavât fûr di "Blestemis" di Josef Marchet

"un dai principis che al ten sù la nestre colaborazion, in fat di scuele, al è justeapont il fatôr de lenghe furlane, che al caraterize lis nestris comunitâts"

gjavât fûr di "Il prin pas ai comuns" di Luche Nazzi

tignî sù loc.v.

Fâ vê o fâ mantignî o fâ cressi dignitât, onôr, braùre e v.i.

esemplis

"il cjaval al jere bon pai naulis e par tignî sù la sô braùre"

gjavât fûr di "Il Bulo di Crodio" di Maria Forte

tignî sù loc.v.

Fâ lâ indenant, fâ continuâ

sinonims

puartâ indenant

esemplis

""Soi vignude a viodi a impiâ la çocje di Nadâl, pecjât che no è ca chê puare Miute, no si pues mai dismenteâle, oh! Jê sì che saveve tignî sù lis usancis in famee""

gjavât fûr di "Vilie di Nadâl" di Pieri Somede dai Marcs

tignî sù loc.v.

Permeti di vê lis risorsis che a coventin

sinonims

sostignî, tignî impins, tignî in pîts

esemplis

"jo, dut il dì a vore tal mio ufici par meti vie alc, par tignî sù la famee, e jê a fâ i comodins a fâ la parone"

gjavât fûr di "Barbane" di Pieri Somede dai Marcs

tignî sù loc.v.

Fâ funzionâ

esemplis

"se un frutin al impare subit dôs o trê lenghis, la fonologjie e la gramatiche di dutis chestis lenghis a vegnin tignudis sù tes stessis struturis dal cerviel, ven a stâi inte memorie procedurâl"

gjavât fûr di "Il cjâf dai furlans" di Franc Fari

tignî sù loc.v.

Di cdn., interpretâ une part intune rapresentazion

sinonims

interpretâ, fâ

esemplis

"al è content par vie che i àn dât di tignî sù la part dal protagonist"

tignî sù loc.v.

Jessi cui che, disint o cjantant preieris insiemi cun altris, lis dîs par prin e plui fuart

esemplis

"al preave: il rosari lu tignive sù lui, di là dal larin, subit cene"

gjavât fûr di "La aghe da pît la cleve" di Dino Virgili

"Basili Pascut che al tignarà sù lis litaniis cun chê vosone çondare che, in glesie, e fâs tremâ lis ramis"

gjavât fûr di "Lis predicjis dal muini" di Josef Marchet

tignî sù loc.v.

Fâ spietâ cdn., tignîlu tra il sì e il no, cun chê di sielzi cemût e cuant che al tornarà cont

sinonims

tignî su la cuarde

esemplis

""O sin dacordo, alore, no!" "Oh, no dîs migo chest, jo." "Cemût?" "Capirês, cussì, sun doi pîts…" "Gjo, Mie… No orès, jo, che mi tignissis sù tant par vê un stropebusis, se chel altri us fasès il bal dal implanton""

gjavât fûr di "La massarie dal plevan" di Francesco Coletti, Romeo Battistig, Arturo Bosetti

tignî sù loc.v.

Tignî intor

esemplis

"al si disvistìs, dome al ten sù la cjamese"

gjavât fûr di "Il cop" di Laurin Zuan Nardin

tignî sù loc.v.

Impers., dal cîl, dal timp, no molâ jù ploie

esemplis

"il timp nol jere masse biel e in coriere a cjalavin ducj di stuart il cîl nulât. "Sperin che al tegni sù!""

gjavât fûr di "Di là de rêt" di Jolanda Mazzon

monolengâl