Hai cercato la parola
monolingue
Torna indietro

monolingue

tignî sù loc.v.
Fâ stâ adalt
esempi
"il missionari, une volte finît, al tignì sù lis mans, al sierà i voi, al preà un momentin"
da "I furlans e la confession" di Riedo Pup
tignî sù loc.v.
Fâ che alc o cdn. al stedi impins, verticâl, dret o te sô posizion, dant fuarce o poie o ecuilibri
sinonimi
sostignî, tignî in pîts, tignî impins, rezi
esempi
"al pretindeve cu la sô fuarçate di tignî sù la armadure [che e jere li li par colâ]"
da "Ce sdrumade" di Pieri Somede dai Marcs
"[l'impresari] al mostrà lis pieris che a varessin tignût sù la loze sul curtîl, e lis travamentis di cjastinâr"
da "La tiere di Lansing" di Maria Forte
tignî sù loc.v.
Di une part dal cuarp, jessi sane e fuarte avonde di fâ stâ ben impins (ancje fig.)
esempi
""O vevi ancje la anime strache e lis gjambis no mi tignivin sù""
da "Dome la cjampanute di Sant Bortul" di Maria Forte
"al veve di rangjâsi. Preâ il Signôr di vê salût, di no inmalâsi mai e di lavorâ fin che la schene lu tignive sù"
da "I furlans e la pension" di Riedo Pup
tignî sù loc.v.
Dâ fuarce fisiche o psicologjiche o morâl
sinonimi
sostignî, tignî in pîts, tignî impins
esempi
"si sintive pierdude tun disfâsi di dut. None Lise e sfladassave, sù e jù pes scjalis, tantis e mai tantis voltis tune dì, par puartâi alc di tignîle sù… Par obleâle a mangjâ"
da "Cjase di Dalban" di Maria Forte
"e veve ben di rivâ ancje la ore di podê lâ fûr di li [dal ospedâl psichiatric], une dì o chê altre. Cumò e veve chê sperance a tignîle sù"
da "Di là de rêt" di Jolanda Mazzon
"Milie no à volût savênt plui di nissun; e veve so pari di viodi di lui, e veve Tonin che al veve tante bisugne di afiet, di jessi tignût sù"
da "Si disarès che e je inventade" di Pieri Menis
tignî sù loc.v.
Fâ stâ sveât
sinonimi
tignî in pîts, tignî impins
esempi
""[il frutin] Al duar masse di dì! ! No ai vût timp di tignîlu sù iar e cussì al mi à fat mateâ la gnot""
da "Ninenane" di Ercole Carletti
tignî sù loc.v.
Dâ fuarce, reson, funzionalitât e v.i. a alc di imateriâl
sinonimi
sostignî, tignî in pîts, tignî impins
esempi
"a son otante e passe agn che, par tignî sù il spirt nazionâl, si spude velen e pantan in muse a chei popui che a son nestris vicins di cjase"
da "Blestemis" di Josef Marchet
"un dai principis che al ten sù la nestre colaborazion, in fat di scuele, al è justeapont il fatôr de lenghe furlane, che al caraterize lis nestris comunitâts"
da "Il prin pas ai comuns" di Luche Nazzi
tignî sù loc.v.
Fâ vê o fâ mantignî o fâ cressi dignitât, onôr, braùre e v.i.
esempi
"il cjaval al jere bon pai naulis e par tignî sù la sô braùre"
da "Il Bulo di Crodio" di Maria Forte
tignî sù loc.v.
Fâ lâ indenant, fâ continuâ
sinonimi
puartâ indenant
esempi
""Soi vignude a viodi a impiâ la çocje di Nadâl, pecjât che no è ca chê puare Miute, no si pues mai dismenteâle, oh! Jê sì che saveve tignî sù lis usancis in famee""
da "Vilie di Nadâl" di Pieri Somede dai Marcs
tignî sù loc.v.
Permeti di vê lis risorsis che a coventin
sinonimi
sostignî, tignî impins, tignî in pîts
esempi
"jo, dut il dì a vore tal mio ufici par meti vie alc, par tignî sù la famee, e jê a fâ i comodins a fâ la parone"
da "Barbane" di Pieri Somede dai Marcs
tignî sù loc.v.
Fâ funzionâ
esempi
"se un frutin al impare subit dôs o trê lenghis, la fonologjie e la gramatiche di dutis chestis lenghis a vegnin tignudis sù tes stessis struturis dal cerviel, ven a stâi inte memorie procedurâl"
da "Il cjâf dai furlans" di Franc Fari
tignî sù loc.v.
Di cdn., interpretâ une part intune rapresentazion
sinonimi
interpretâ, fâ
esempi
"al è content par vie che i àn dât di tignî sù la part dal protagonist"
tignî sù loc.v.
Jessi cui che, disint o cjantant preieris insiemi cun altris, lis dîs par prin e plui fuart
esempi
"al preave: il rosari lu tignive sù lui, di là dal larin, subit cene"
da "La aghe da pît la cleve" di Dino Virgili
"Basili Pascut che al tignarà sù lis litaniis cun chê vosone çondare che, in glesie, e fâs tremâ lis ramis"
da "Lis predicjis dal muini" di Josef Marchet
tignî sù loc.v.
Fâ spietâ cdn., tignîlu tra il sì e il no, cun chê di sielzi cemût e cuant che al tornarà cont
sinonimi
tignî su la cuarde
esempi
""O sin dacordo, alore, no!" "Oh, no dîs migo chest, jo." "Cemût?" "Capirês, cussì, sun doi pîts…" "Gjo, Mie… No orès, jo, che mi tignissis sù tant par vê un stropebusis, se chel altri us fasès il bal dal implanton""
da "La massarie dal plevan" di Francesco Coletti, Romeo Battistig, Arturo Bosetti
tignî sù loc.v.
Tignî intor
esempi
"al si disvistìs, dome al ten sù la cjamese"
da "Il cop" di Laurin Zuan Nardin
tignî sù loc.v.
Impers., dal cîl, dal timp, no molâ jù ploie
esempi
"il timp nol jere masse biel e in coriere a cjalavin ducj di stuart il cîl nulât. "Sperin che al tegni sù!""
da "Di là de rêt" di Jolanda Mazzon
proverbi
"il 'suf al ten sù il lus"
"la femine e ten sù trê cjantons de cjase, l'om un sôl"
"pomâr masse cjamât nol ten sù dutis lis pomis"
"ten sù i amîs in public, coreziju in privât"
"ten sù i amîs in public, coreziju in segret"
Torna in Cima