SuperDizionari

tirâ jù loc.v.

Cjapâ alc e cdn. e fâ fuarce par sbassâlu, fâlu vignî jù, fâlu colâ e v.i.

esempi

"e veve cjapade Dorine par une man e cun dute fuarce le tirave jù pes scjalis"

da "Chei di Muraie" di Pieri Menis

tirâ jù loc.v.

Gloti

sinonimi

mandâ jù, parâ jù

esempi

"«Bon, bon! Un vin che al à grinte, che si tache ben! » e lu tirave jù a tacis, cjalant il sofit come un gnûf paradîs"

da "La tiere di Lansing" di Maria Forte

tirâ jù loc.v.

Fâ calâ di cuantitât o intensitât

esempi

"il vuardian mi puarte la intimazion di presentâmi a paiâ sîscent e sessantesiet francs. O voi jù e là jù mi disin che o pues ricori e che al è facil che mi tirin jù cinccent francs e che lassin nome lis spesis"

da "Jo, evasôr fiscâl" di Riedo Pup

tirâ jù loc.v.

Copâ, soredut cuntun proietil

sinonimi

fâ la fuee, fâ la piel, fâ la scusse, copâ, dispicjâ, fâ jù, fâ la spese, fâ fûr, tirâ jù di spesis, tirâ jù di spese

esempi

"si vicinave inviât. Po si fermà par piâ un sigaret, butant fûr grandis bocjadis di fum. "Tenente, aio di tirâlu jù? …" dissal un alpin sot vôs. "Tâs… Sta fer!""

da "Sul agâr" di Pieri Menis

tirâ jù loc.v.

Scrivi o fâ une rapresentazion grafiche, soredut copiant, o ancje une fotografie

esempi

"un gjornalist al sarà presint [tal bal], cul librut des notis e un lapis gnûf, a tirâ jù il non e sorenon des plui zentîls balarinis e dai cavalîrs plui morbinôs"

da "Lis predicjis dal muini" di Josef Marchet

"ma la invenzion che pâr cuasi divine, / je la fotografie. / Pensâ che in manco di une avemarie, / cu un negozi che al pâr un canocjâl, / si tire jù un ritrat al naturâl!"

da "La fotografie di Pieri Çorut" di Pieri Çorut

tirâ jù loc.v.

Dî cun fuarce e in serie

esempi

"plen di devozion al tirave jù paternostris e avemariis"

da "Il voli di chest mont" di Catarine Percude

tirâ jù loc.v.

Fevelâ mâl

sinonimi

tirâ jù la piel, tirâ jù tabârs, taiâ tabârs, menâ par lenghe

esempi

"po chei stes che da vîf lu àn sglonfât, / e tirin jù di lui subit mancjât"

da "Il nestri dolôr in muart dal Arcivescul Zacarie Bricito" di Pieri Çorut

monolingue