SuperDizionari

tirâ sot loc.v.

Fâ fuarce di trazion movint injù, abàs, sot di alc

esempi

""[...] plui cirivi di tirâmi sù e plui une fuarce mi tirave sot … no sai, no sai ce che fasevi… mi sintivi a lâ sot… il palût mi ingloteve" "

da "Resurezion a Pontinie" di Pieri Somede dai Marcs

tirâ sot loc.v.

Cjapâ une sume, une paie, un compens e v.i.

sinonimi

cjapâ, meti in sachete, scuedi, tirâ

esempi

"forsit mai il Comun di Cosean al tirà sot , fin a chei timps, tancj bêçs in multis come cuant che al jere vuardian Vigji"

da "Vigji il vuardian" di Lucio Perès

"[il muini] al tirave sot nome cuatri panolis di regalie dopo i Sants; e vonde"

da "I furlans e il muini" di Riedo Pup

tirâ sot loc.v.

Fâ in mût di vê alc o cjatâsi a vê alc, soredut un mâl, un fastidi e v.i.

esempi

"Tal lunis il biât Nisio al veve tirade sot une calorade di chês, a seselâ forment di ca de Sfueime a Cuelalt"

da "Par colpe di un massalâr carulât" di Osiride Secco

tirâ sot loc.v.

Finî cuintri di cdn. o passâi parsore cuntun veicul

sinonimi

cjapâ sot

esempi

"Vinici Scrunç al tirà sot un cjavrûl, ma nol clamà i carabinîrs e lu mangjà cui foncs"

da "Lupo Manarie e chei di Contecurte" di AAVV

tirâ sot loc.v.

Imbroiâ o fâ vê un dam a cdn.

sinonimi

cjapâ sot

esempi

"un di custôr vuê vot / al veve voie di tirâmi sot. / Sintint che un ciart bavôs / l'à spandude la vôs, / che o vei dissoterât une porzion / del tesaur menzonât ne introduzion"

da "La bore cuviarte" di Pieri Çorut

monolingue