Hai cercato la parola
monolingue
Torna indietro

monolingue

tirâsi sù loc.v.
Cjapâsi e fâ fuarce par lâ insù
esempi
"si tirà sù ben planc pai bârs, che no si rompessin ancje chei, al jessì da la aghe"
da "Vergjilio" di Riedo Pup
tirâsi sù loc.v.
Movisi lant insù
sinonimi
lâ sù, vignî sù
esempi
"cjoca di doul, a si tirà sù pal salâr"
da "Li Anzuliti" di Novella Cantarutti
tirâsi sù loc.v.
Metisi intune posizion che e fâs stâ sù, dret, soredut impins o ancje in senton
sinonimi
dreçâsi, jevâsi, jevâ sù, jevâsi sù, jevâ
esempi
"il vieli al cirive di tirâsi sù in senton sui comedons"
da "Amîs come prime" di Alan Brusini
"e scugnî tirâsi sù su lis pontis dai pîts par rivà a viodi"
da "In spiete" di Rosute
tirâsi sù loc.v.
Cressi di cuantitât, misure, intensitât, valôr e v.i.
esempi
"al sgrisulave tant che un basalisc, si ben il clip de temperadure che si jere tirade sù i suiàs il gaban che al bugave come une mastele de lissie"
da "Il lôf" di Fabian Ros
tirâsi sù loc.v.
Cjapâ fuarce fisiche, morâl, psicologjiche (fig.)
esempi
""[...] sù metimi dentri un got di sgnape, o ai bisugne di tirâmi sù""
da "Un pugn di moscjis" di Pieri Somede dai Marcs
""[...] no ai costance di lâ indevant, mi buti jù masse svelte e po o ai di fâ vitis par tirâmi sù . Tu varessis di jessi simpri tu a dâmi fuarce, alore o cumbinarès alc di plui""
da "Fûr di timp" di Jolanda Mazzon
tirâsi sù loc.v.
Tirâ sù alc di se stes, alc che si à intor e v.i.
esempi
"sù pes scjalis e scugnì tirâsi sù un pôc la cotulone par no inçopedâsi"
da "Il testament" di Pieri Menis
"ogni tant Rosute si fermave a tirâsi sù cu la conole un riçot restîf che i colave jù pe muse"
da "La aghe da pît la cleve" di Dino Virgili
Torna in Cima