Hai cercato la parola
monolingue
Torna indietro

monolingue

tornâ indaûr loc.v.
Lâ ta chel stes puest dulà che si jere o inviâsi de bande di dulà che si jere rivâts
sinonimi
lâ indaûr
esempi
"e jere tant lontane di cjase che no jere plui buine di tornâ indaûr"
da "Fûr di timp" di Jolanda Mazzon
"al fâs doi pas viers la puarte, po al torne indaûr, ducj i moviments de sô persone a fasin viodi il scombati des ideis te sô anime"
da "Gnot di Nadâl" di Pieri Somede dai Marcs
tornâ indaûr loc.v.
Lâ tal timp passât, lâ indaûr tal timp
sinonimi
lâ indaûr
esempi
"nol zove nue iludisi; ce che al è fat l'è fat, e no si torne indaûr plui"
da "La sbigule - Une gnot tun broili" di Giovanni Gortani
""Alore si varès podût dismenteâ la nestre disgrazie; e il nestri Toni, tornât frut, al sarès vignût sù un pôc a la volte, frutat, zovenot, om; al sarès stât come se invezi di murî, al fos tornât indaûr cui agns…""
da "Ninenane" di Bruno Paolo Pellarini
tornâ indaûr loc.v.
Contâ o descrivi robis che inte narazion o inte logjiche a vegnin prime dal pont dulà che si è rivâts
sinonimi
lâ indaûr, lâ un pas indaûr
esempi
"m prin di lâ indenant, torni indaûr, / che ai bisugne di fâus une avertence, / fin ca par distrazion lassade fûr"
da "Lis gloriis di Tambûr" di Pieri Çorut
tornâ indaûr loc.v.
Vê une involuzion
esempi
""[...] sclops di bombis a volaressin e di ogni sorte…" "No, no Bastian, al sarès piês, vuê no si po fevelâ cussì, o saressin cuintri di nô, cuintri la umanitât, si riscjarès di tornâ indaûr""
da "Un pugn di moscjis" di Pieri Somede dai Marcs
"il probleme che o vevi denant al jere chel di dâ une prospetive di continuitât e di espansion progressive e sistematiche a ce che o vevin inviât, che nol ves di lâ indenant a sangloç o tornâ indaûr"
da "Memoriis di politiche linguistiche" di Adrian Cescje
tornâ indaûr loc.v.
Soredut di document, domande, pratiche burocratiche e v.i., jessi refudât
esempi
"Enea nol podeve mai partî pal Venezuela par vie che lis cjartis i jerin tornadis indaûr uns cuatri voltis"
da "Amîs come prime" di Alan Brusini
tornâ indaûr loc.v.
Cambiâ di idee
esempi
"si rindeve cont che zaromai Firmato nol sarès tornât indaûr de sô decision"
da "Îr e doman" di Gianni Gregoricchio
"[la glesie] e à di vê il coragjo di riscjâ, ancje a cost di sbaliâ, ancje a cost di tornâ indaûr"
da "La Glesie e à di lassâ i popui come che a son e fâur di levan seont la lôr paste" di Francesc Placerean
tornâ indaûr loc.v.
Tornâ alc che si à cjapât o che si à vût a cui che lu à dât
sinonimi
dâ indaûr, tornâ
esempi
""Jo o vuei che al mi torni indaûr ce che al mi a robât: la pâs, la serenitât, l'onôr, e stant che nol podarà mai fâlu, alore o pretint i siei bêçs""
da "La foghere" di Luciano Rocco
"si contentà di une mê ricevude, là che jo mi impegnavi a tornâi indaûr i bêçs che mi veve dât"
da "Friûl e furlans te Histoire de ma vie di Giacomo Casanova" di Pierluigi Visintin
proverbi
"cui che nol va indenant al torne indaûr"
"la vedrane e volarès vêlu, la maridade e volarès tornâlu indaûr"
Torna in Cima