Hai cercato la parola
monolingue
Torna indietro

monolingue

tornâ sù loc.v.
Rivâ sù une altre volte intune posizion alte, par esempli insom di un rilêf, tal plan alt di un edifici, a cuote alte tal aiar e v.i. o intun puest che al è a Nord
esempi
"al jere tornât sù inte sô cjamare e al veve spalancât i scûrs dal barcon"
da "Il sium di Lissandri" di Franca Mainardis
"pitôrs po! Zuanfrancesc al tornave sù su la armadure, al cjapave in man il pinel, lu tocjave tal colôr…"
da "La aghe da pît la cleve" di Dino Virgili
"[...] content come une vacje al torne sù in Cjargne"
da "Al marcjât di Vile" di Luigi Gortani
tornâ sù loc.v.
Tornâ a cjapâ une posizion di podê
esempi
"[fevelant al sindic prin des elezions] "O viôt che o veis sperance di tornâ sù e che us fasin cavalîr..." "Ben! Lassìn lâ; a mi mi interesse il ben dal popul.""
da "La crete che no vai" di Domeni Zannier
tornâ sù loc.v.
Tornâ a jessi presint, tornâ a sucedi (fig.)
esempi
"a tornaran sù di sigûr, e za o notìn i segnâi, i mai impisulîts riclams ae centralizazion de vite publiche"
da "Citadins talians di nazionalitât furlane" di Dree Valcic
tornâ sù loc.v.
Jessi fat sù di gnûf, tornâ a jessi costruît
esempi
"tal 451 a son passâts i Uns: a àn brusade e ardude Aquilee! No je mai tornade sù come prin"
da "La nestre storie" di Francesc Placerean
"[dopo dal taramot] ancje il domo al è tornât sù insieme cu lis nestris cjasis e contradis"
da "Une piçule storie inte grande storie" di Antoni Beline
tornâ sù loc.v.
Tornâ a vê salût, fuarce, funzionalitât e v.i.
esempi
"o soi vieli, furlans, soi lambicât / dai pinsîrs di famee, / cu la sorte che simpri mi sbelee, / e nol è di stupî / se o deventi imbecîl plui ogni dì, / se ogni dì plui voi jù / sence sperance mai di tornâ sù"
da "Il Strolic mezan par l'an 1866" di Pieri Çorut
tornâ sù loc.v.
Cressi di gnûf di valôr, cuantitât, intensitât e v.i.
esempi
"il presit de benzine al jere lât jù tai timps dal covid e po al è tornât sù"
tornâ sù loc.v.
Dal savôr dal mangjâ no ben digjerît, fâsi sintî di gnûf ancje timp dopo che si à mangjât
esempi
"o ai sintût a tornâ sù la cevole dut il dopomisdì"
tornâ sù loc.v.
Jessi ricuardât o jessi pensât di gnûf
sinonimi
vignî sù, tornâ tal cjâf
esempi
"intant ae Mabile i jere tornât sù, come un rumi, il cantin de division cul cugnât"
da "Mabile la Lunghine" di Maria Forte
"al siarà i voi e i tornà sù puar Tite e la tragjedie de sô muart tal Flum"
da "Il timp par ledrôs" di Mario De Apollonia
Torna in Cima