SuperDizionari

tradî v.tr.
(tra-dî)

Fâ alc cun intenzion cuintri dai leams di fiducie e di comunance che si à cun cdn., o cuntune comunitât o cuntune istituzion, (ancje ass.)

sinonimi

ingjanâ, rineâ

esempi

"a Rome a vevin decidût che chei là sù a jerin il Nemì e che bisugnave tradî la Austrie-Ongjarie, prime di chê volte aleade, par fâ tornâ tal grim de Italie Trent e Triest"

da "Just, cence di" di Checo Tam

"vô no vês di tradî come chei altris… No vês di tradî la bandiere e di bandonâ i amîs…"

da "Cjase di Dalban" di Maria Forte

"dismenteâ al è come un tradî, e tradî no si po… Si puedial tradî il pari? Si puedial tradî il sanc che al sbat tai timplis e tes conolis e dentri des cuestis? No si po tradî!"

da "La aghe da pît la cleve" di Dino Virgili

tradî v.tr.
(tra-dî)

Mancjâ di fedeltât sessuâl o sentimentâl tai confronts dal compagn o de compagne

sinonimi

fâ i cuars

esempi

"i àn scrit une letare anonime disint che jê lu tradive e che faseve l'amôr cun Meni"

da "Vilie di Nadâl" di Pieri Somede dai Marcs

tradî v.tr.
(tra-dî)

Stracapî o fâ stracapî, ancje in mût intenzionâl

esempi

"tradî il sens di un discors"

tradî v.tr.
(tra-dî)

No rispietâ, no sodisfâ, no meti in vore ce che altris si saressin spietâts o ce che al pues jessi un pont di riferiment

sinonimi

deludi, sporcjâ

esempi

"la eterne storie dai zovins che, tradint la politiche dai vecjos, a drecin la fortune de famee"

da "Come tai romançs" di Alan Brusini

"ma sì, la vite no po simpri tradî"

da "Trê feminis" di Gianni Gregoricchio

"nol acete il so sisteme, no parcè che al vedi tradît i criteris gjenerâi, ma parcè che nol à acetadis chês o chês altris soluzions particolârs"

da "Memoriis di politiche linguistiche" di Adrian Cescje

tradî v.tr.
(tra-dî)

Fâ sbaliâ une valutazion, une prevision (coloc.)

sinonimi

ingjanâ, imbroiâ

esempi

"la presunzion mi veve tradît, svuarbât"

da "I forescj" di Alan Brusini, Gian Paolo Linda

"se la memorie no nus tradìs, par esempli, in Sardegne “Sa die de sa Sardigna” e ven memoreade propit daûr di une leç regjonâl"

da "La Patrie, la Fieste e la propueste di leç regjonâl" di Marc Stolf

tradî v.tr.
(tra-dî)

Jessi la prove di alc che nol è o nol jere evident (fig.)

esempi

"[l'ispetôr] segnant cul dêt une clâf che al tignive ta chê altre man, i disè cun vôs dure: "Viodêso, Nart, che la clâf us à tradît?""

da "Cretevierte" di Roberto Ongaro

monolingue