SuperDizionari

trafic s.m.
(tra-fic)

Ativitât di vendi e comprâ, soredut cun moviment di marcjanziis ancje di lungje distance

sinonimi

negozi, vendite, scambi

esempi

"lis tristis relazions di Vignesie cui imperadôrs no permeterin di inviâ mai un fregul di trafic cu la Austrie"

da "Cuintristorie dal Friûl fin sot la Italie" di Josef Marchet

trafic s.m.
(tra-fic)

Ativitât di vendi e comprâ o scambiâ disoneste o imorâl

esempi

" tal câs dal trafic di feminis e di fruts par fins sessuâi al coventarès cussiderâ colpevui ducj chei ch'a pratichin il turisim sessuâl"

da "I sclâfs dal tierç milenari a passin ancje par ca" di Luche Nazzi

trafic s.m.
(tra-fic)

Moviment e cuantitât di personis, machinis o robis che si movin o che a passin par un puest

sinonimi

circolazion, corîr, daidai, zîr

esempi

"la strade e jere dute par aiar, che a jerin daûr a slargjâle e a splanâle cui bulldozer. ll fonts al jere dut segnât dai cingui e des ruedis, e a vevin inviât il trafic di une altre strade"

da "Prime di sere" di Carlo Sgorlon

"par chê strade il trafic al jere scjars e Ernest al saveve che lant de bande di Berne al varès cjatât pôc moviment fin dongje de citât"

da "In Friûl, nossere" di Agnul di Spere

trafic s.m.
(tra-fic)

Azion o ativitât o procedure che e compuarte dificoltâts, che no si rive a puartâ insom svelte e cun facilitât

sinonimi

imbroi, truc, cefâ, afâr, afâr seri, zîr

esempi

"al veve cirût mil voltis di intopâsi cun Lene, massime co la brame lu scjafoiave, ma ogni volte e finive strucje, che la frutate si compagnave simpri cun cualchi amie. Che nissun, ancjemò, no si fos visât di chest trafic, al jere un meracul"

da "Îr e doman" di Gianni Gregoricchio

monolingue