SuperDizionari

trame s.f.
(tra-me)

[TS] (tess.) Complès di fîi tirâts par orizontâl tal telâr, che cun chei verticâi a fasin il tiessût

esempi

"al sintive il trictrac dal telâr in vore, manovrât cui pîts de femine e il scori de navisele sui fîi tirâts de trame"

da "Chei di Muraie" di Pieri Menis

trame s.f.
(tra-me)

Struture o part di une struture, ancje astrate, li che i diviers elements a son leâts tra di lôr (fig.)

sinonimi

tiessût

esempi

"ideologjiis cence costrut che a formin l'urdît e la trame de vueide e dispossente politiche taliane"

da "Dodis mil e cuatricent" di Josef Marchet

trame s.f.
(tra-me)

Complès di acjadiments di une conte, di un romanç, di une pelicule e v.i. (fig.)

sinonimi

azion, storie

esempi

"libris passionants, ben scrits, coerents inte trame"

da "Donald dal Tiliment" di Laurin Zuan Nardin

"la storie e mancjave di continuitât logjiche e la trame e veve plui busis che tacons"

da "L'om che al pierdeve pinsîrs pe strade" di Fabian Ros

trame s.f.
(tra-me)

[TS] (sport) Sucession di azions di zûc ben coordenadis

trame s.f.
(tra-me)

Azion fate in segret, di scuindon, ancje par finalitâts pôc onestis (fig.)

sinonimi

complot, insidie, machinazion, smaneç, tramai, vuaite

esempi

""No tu sâs mai nuie, tu! Dome tramis ca dentri. Mah! Sai ben ce che o fâs, jo. No si po lâ indevant in cheste maniere.""

da "A passe la scalmane" di Anute Fabris

monolingue