SuperDizionari

trasmeti v.tr.
(tras-me-ti)

Fâ passâ alc, tant che une carateristiche, une proprietât, un element materiâl o imateriâl, di se stes o traviers se stes a altris

sinonims

passâ, trasferî

esemplis

"se jo o trasmet ai miei fîs e al gno popul ce che i miei gjenitôrs e i miei viei mi àn trasmetût, o ricognòs che mi àn dât alc di grant, di biel, di unic"

gjavât fûr di "Identitât e mondializazion" di Antoni Beline

"la iradiazion e je è une maniere di trasmeti calôr: chest nol ven trasmetût ni par contat, ni par traspuart di masse [...], ma cu la emission di rais infraròs"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

trasmeti v.tr.
(tras-me-ti)

Passâ une comunicazion, une informazion, un messaç e v.i.

sinonims

passâ, dâ

esemplis

"lis provinciis - se e restaran in pîts in cualchi forme - si ridusaran al ufici di trasmeti pratichis ai orghins centrâi"

gjavât fûr di "Friûl orientâl e autonomie regjonâl" di Josef Marchet

"ma cheste ilusion, sta ben atent, no je di butâ vie, parcè che, come dutis lis ilusions, al è un rivoc dal dut, e chest rivoc al pant, al trasmet un significât"

gjavât fûr di "Il lôf" di Fabian Ros

trasmeti v.tr.
(tras-me-ti)

Fâ che altris a partecipin di sensazions, emozions, impressions e v.i.

sinonims

passâ, tacâ intor, fâ sintî, fâ vignî

esemplis

"la musiche che si sint tes discotechis [...] e je biele parcè che e je legre e ti trasmet la gole di balâ"

gjavât fûr di "Sul florî" di AAVV

monolengâl