SuperDizionari

ufici s.m.
(u-fi-ci)

Complès di funzions organizativis e burocratichis omogjeniis metudis adun tun stes setôr

esempi

"[il president de regjon] al soreintint ai uficis e ai servizis regjonâi"

da "Statût Speciâl de Regjon Autonome Friûl-Vignesie Julie" di Aministrazion Publiche

Vedi anche: ufizi

ufici s.m.
(u-fi-ci)

Ambient o complès di ambients li che a lavorin i impleâts, funzionaris, dirigjents

esempi

"al veve sbruntade la puarte e al jere jentrât tal ufici postâl"

da "Il sium di Lissandri" di Franca Mainardis

"trê dîs prin a Vignesie cualchidun al veve plaçât vie pe gnot une bombe denant dai uficis di un gjornâl"

da "Chê dì che al neveà a Vignesie" di Agnul di Spere

ufici s.m.
(u-fi-ci)

Incarghe, responsabilitât di puartâ indevant une cierte ativitât

sinonimi

carghe, compit, incarghe, incombence, mansion

esempi

"chescj patriarcjis a menavin daûrsi un grum di gramulis dai lôr paîs e ur metevin in man incarichis e uficis tant di glesie che di guvier"

da "Cuintristorie dal Friûl fin sot la Italie" di Josef Marchet

ufici s.m.
(u-fi-ci)

(lit.) Te liturgjie catoliche, preiere, funzion, cerimonie sacre

esempi

"lâ in plêf a cjantâ i uficis"

da "Lis predicjis dal muini" di Josef Marchet

"intant che si spietave la nomine di un plevan, al viveve in cjase nestre e la sere, nô di cjase ducj a durmî, e lui abàs tal tinel a dî l'ufici"

da "Sant Simon: 28 di Otubar 1917" di Pieri Somede dai Marcs

monolingue