SuperDizionari

ufrî v.tr.
(u-frî)

Dâi o proponi a cdn. di dâi alc, soredut alc di mangjâ o di bevi, tant che at di cortesie

sinonims

dâ, meti fûr

esemplis

"se cualchidun al vignive a cjatâle, cuntune scuse o chê altre, jê i ufrive simpri alc di golosâ, cun muse zentîl e ridint"

gjavât fûr di "Ombris tal infinît" di Carlo Sgorlon

"che al si comodi, si puedial ufrii alc, vuelial un dedut di blanc?"

gjavât fûr di "Il prossim" di Pieri Somede dai Marcs

Viôt ancje: ofrî

ufrî v.tr.
(u-frî)

Proponi alc, ancje no par cortesie, ma par fins comerciâi, professionâi, politics e v.i.

sinonims

dâ, proponi

esemplis

"il puest al è di prin ordin. Ti ufrìs il puest il diretôr dal ospedâl"

gjavât fûr di "O sielç lis stelis" di Pieri Somede dai Marcs

"al veve tacât a metisi ancje lui a buinore su la place de glesie, cun altre int disocupade, e ogni tant i ufrivin une vore di trê cuatri oris"

gjavât fûr di "Prime di sere" di Carlo Sgorlon

ufrî v.tr.
(u-frî)

Meti a disposizion

esemplis

"la sede Rai di Bolzan, che e ufrìs tal so palinsest informazion e programs tes lenghis taliane, todescje e ladine"

gjavât fûr di "La lenghe furlane tai mieçs di comunicazion" di Erika Adami

"ur vin agrât ai siôrs Cuna e Vicario che nus àn ufiert il test dal lôr articul prin che al vignìs fûr"

gjavât fûr di "Cualchi ipotesi sul furlan di prin di scrivilu" di Zorç Cadorin

monolengâl