SuperDizionari

universâl adi.
(u-ni-ver-sâl)

Di dut l'univiers

sinonims

cosmic, planetari

esemplis

"la gravitazion e à une carateristiche universâl: doi cuarps cualsisedi che a si movin intun cjamp gravitazionâl a seguissin la stesse traietorie a la midiesime velocitât"

gjavât fûr di "Teologjie algjebriche" di Sergio Cecotti

universâl adi.
(u-ni-ver-sâl)

Di dute la umanitât, che al è bon par ducj i oms

sinonims

ecumenic, mondiâl, gjenerâl

esemplis

"o soi fedêl a lis ideis che si fondin sui principis universâi di libertât e justizie, sul dirit che a àn ducj in chest mont di jessi considerâts de istesse misure, pal fat che a son umign"

gjavât fûr di "Int di masnade" di Alviero Negro

"il mecanisim [di assimilazion des minorancis] al è universâl, e si è ripetût te storie umane tantis voltis e di tantis bandis"

gjavât fûr di "Memoriis di politiche linguistiche" di Adrian Cescje

universâl adi.
(u-ni-ver-sâl)

Che al tocje ogni sience, ogni dissipline

esemplis

"a Ted Nelson i dovìn il progjet de biblioteche universâl eletroniche Xanadu"

gjavât fûr di "Il brevet" di Mario Turello

universâl adi.
(u-ni-ver-sâl)

[TS] (tecn.) Di strument che si pues doprâ in plui situazions diferentis

esemplis

"une clâf universâl"

universâl s.m.
(u-ni-ver-sâl)

[TS] (filos.) Ce che al è comun di individuis che a son dal stes insiemi, e che al è la reson dal lôr jessi tal insiemi

esemplis

"la tension viers l'universâl ideâl e fo esplicitade e justificade de filosofie"

gjavât fûr di "Viaç aes origjins dal Logos" di Adrian Cescje

universâl s.m.
(u-ni-ver-sâl)

Regule, caratar o element di fonde, che al vâl simpri e che al reste costant

sinonims

fondamentâl, fonde

esemplis

"il fat che l' -s al vebi tignût dûr juste li dai nons propris al va ben cul principi che la Benincà e la Vanelli a àn insedât tai universâi de lenghe"

gjavât fûr di "Cualchi ipotesi sul furlan di prin di scrivilu" di Zorç Cadorin

monolengâl