SuperDizionari

univiers s.m.
(u-ni-viers)

Ancje cun iniz. maiusc., complès di dutis lis robis che a son in nature e il spazi che lis ten e indulà che si manifestin ducj i fenomens naturâi, ancje cun riferiment particolâr ai cuarps celescj e ai fenomens astronomics

esemplis

"ce biel che al è il mont! … Biel par ducj: umign, bestiis e plantis! … E dut al vîf ben te sô forme juste; content di sei come che al è… O sin ognun une part di dut chest grant Univiers"

gjavât fûr di "La tiere di Lansing" di Maria Forte

"l'esperiment nus mostre che, ore di cumò, l'univiers al è in espansion, lis distancis jenfri lis galassiis a incressin"

gjavât fûr di "Teologjie algjebriche" di Sergio Cecotti

univiers s.m.
(u-ni-viers)

Complès di elements, percezions, concezions, riferiments e v.i. tipics di une persone, di une comunitat, di une ete e v.i.

sinonims

mont

esemplis

"une fine ilustrazion, traviers la vôs dal protagonist, dal univiers contadin di une volte"

gjavât fûr di "Dut su la mostre dal cine" di Fabian Ros

univiers s.m.
(u-ni-viers)

[TS] (stat.) Complès dai elements singui che a formin il totâl che si cîr di descrivi o il totâl li che si met in vore une leç statistiche

esemplis

"l'univiers di riferiment al jere chel dai abitants de aree furlanofone determinade tal 1977-'78"

gjavât fûr di "La cundizion sociolinguistiche dal furlan" di Linda Picco

monolengâl