SuperDizionari

vene s.f.
(ve-ne)

Vâs dal sisteme di circolazion dal sanc che al puarte il sanc dai orghins periferics al cûr

sinonimi

vâs venôs

esempi

"une infermiere [...] e faseve il so podê par impirâi la vene cu la gusiele dal flebo"

da "Tal ospedâl" di Amedeo Giacomini

Vedi anche: avene

vene s.f.
(ve-ne)

Cualsisei vâs dal sisteme di circolazion dal sanc

esempi

"i vignivin tal cjâf lis mans dal so puar Gjovanin: grandis e disformadis dal lavôr, cui cai dûrs tant che capelis di claut e cu lis venis gruessis tant che vuarbisinis"

da "Il muc" di Roberto Ongaro

vene s.f.
(ve-ne)

Flus o dipuesit naturâl di aghe sot tiere, che e pues ancje rivâ ae superficie

sinonimi

avenâl, filie, fontane, risultive

esempi

"la ole, ven a stâi un ‘pont' dulà che si formin lis bufulis che a mostrin la emission di aghe da la vene in profonditât"

da "L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane" di Lorenzo Marcolini

"e vin dovût gjavâ plui di vincj metros par cjatâ la vene da la aghe"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

vene s.f.
(ve-ne)

Origjin, divignince, percors che al permet di rivâ (fig.)

sinonimi

vie, strade, bande

esempi

"par venis misteriosis i vignivin chei centesims che no lu lassavin murî di fam"

da "La tiere di Lansing" di Maria Forte

vene s.f.
(ve-ne)

Rie di densitât e colôr diferent intun materiâl, massime tal len o tun cret

esempi

"il spirit de nature al è ben rapresentât des mascaris de Alte Vâl de Tor, dulà che grops e venis dal len a deventin elements de muse rapresentade"

da "Mascaris che a contin il Carnevâl in Friûl" di Erika Adami

"a Tamau e gjavin une biele piere colôr di rose a venis neris e blancjis"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

vene s.f.
(ve-ne)

Presince di un caratar in ce che cdn. al dîs o al scrîf o te maniere di jessi (fig.)

sinonimi

ombre

esempi

"al veve inte vôs une vene di tenarece"

da "Trê feminis" di Gianni Gregoricchio

"Fredo Migot, ancje di vecjo, al veve conservât la sô legre vene di spirt gjubiâl e ecuilibrât"

da "Murî di fam cui camarins plens" di Riedo Pup

vene s.f.
(ve-ne)

Ispirazion artistiche (fig.)

sinonimi

buine uce, estri, snait, uce

esempi

"Florendo [Mariuzza] al veve veramentri une buine vene pes canzonetis furlanis e, a traviars lis canzonetis, nus à lassade la rapresentazion di tantis senis de vite contadine di une volte"

da "Fiorendo Mariuzza di Ciampfuarmit" di Giovanni Battista Corgnali

vene s.f.
(ve-ne)

[TS] (enol.) Dal vin, il tirâ viers un ciert savôr

esempi

"une ribuele zale di savôr sut cuntune vene garbite"

"che al puarti ancjemò un got, ustîr!, / lis stelis a son dutis impiadis, / chest vin al à une vene di Infinît"

da "Un got di sere" di Lelo Cjanton

vene s.f.
(ve-ne)

Tal pl.,

esempi

"e rivà de Basse une sô gnece par judâ la agne che e pative di venis tune gjambe"

da "Il tei" di Maria Forte

monolingue