SuperDizionari

vetrine s.f.
(ve-tri-ne)

Mobil, pal solit de cusine o de sale, cun portelis a veri, li che si puedin tignî diviersis robis, in particolar cjicaris, platuts, tacis e v.i., pal solit di bielece

sinonimi

credince

esempi

"i plasevin lis tacis di vêr cristal metudis in rie te grande vetrine di noiâr"

da "Si disarès che e je inventade" di Pieri Menis

"nissun si vise di lôr, che no ur reste altri che nol sedi il ricuart in cualchi fotografie impirade intal veri de vetrine"

da "Trê feminis" di Gianni Gregoricchio

vetrine s.f.
(ve-tri-ne)

Part de buteghe, che si pues viodi dal difûr, li che a vegnin tignudis in mostre lis marcjanziis che a son a vendi

sinonimi

mostre, mostre di buteghe

esempi

"o viôt za la vetrine iluminade dal tabachin"

da "La dentiere pierdude" di Francesca Gregoricchio

"a ogni vetrine che al passe denant si cjale denti, si juste la vite e al da une pacute al cjapiel"

da "Il coscrit" di Garibaldi Delli Zotti

vetrine s.f.
(ve-tri-ne)

Manifestazion, ocasion, lûc, realtât e v.i. che a dan visibilitât, che a permetin a alc o a cdn. di jessi cognossût (fig.)

esempi

"[Radio Onde Furlane] je stade la prime radio che o ai scoltât, la prime vetrine pe musiche che o fâs e par un grum di musiche alternative"

da "Un Friûl difarent: i 90 mhz di Onde Furlane" di Max Mauro

monolingue