SuperDizionari

viers s.m.

Ognidune des unitâts che a fasin une composizion poetiche, che e corispuint a une rie di test

esemplis

"l'esametri al è un viers cuntun numar variabil di silabis, in gjenerâl tra tredis e disesiet"

gjavât fûr di "Jentrade de Odissee" di Sandri Carrozzo, Pierluigi Visintin

"cheste redazion, marcade di Faggin cu la letare G, e je fate di 97 tercinis e di 1 cuartine, par 295 viers in dut"

gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin

viers s.m.

[TS] (lit.) Inte liturgjie catoliche, frase curte che i seguìs une rispueste, cjantade o recitade

viers s.m.

Sun tipic che al fâs un animâl, o ancje vôs di une persone che no je une peraule

esemplis

"nie umiditât. Clime fantastic. Fresc. Aiarin. Il viers di une çuvite. Mi ven voie di lâ fûr"

gjavât fûr di "Cirî gnot" di Checo Tam

viers prep., s.m.

Sens, direzion

sinonims

direzion, sens, bande

esemplis

"[lis âfs] e taiavin l'aiar par ducj i viars, cussì imburidis che e parevin saetis"

gjavât fûr di "Lis âfs" di Catarine Percude

""Oh, done Viole… I ai pensât sore: chê cjarte le sbreghìn…" E le sbregà a flics: prime di un viers, po di chel altri"

gjavât fûr di "La aghe da pît la cleve" di Dino Virgili

"lu pognerin sul jet, ma ancje li nol saveve di ce viers zirâsi, che ogni part dal cuarp e jere tumiade e indolentrade"

gjavât fûr di "Il muc" di Roberto Ongaro

viers s.m.

Ogni pussibil aspiet di alc, spec. in funzion di rivâ a un obietîf (fig.)

sinonims

aspiet

esemplis

"si è plui preparâts, par un viers, a capî la diversitât linguistiche e culturâl e, par chel altri, a cognossi plui lenghis e a imparâ ancjemò altris"

gjavât fûr di "Minorancis linguistichis" di Marc Stolf

"[la nazion] e mostre par ogni viers cualchi sfese"

gjavât fûr di "Su altris fondis" di Josef Marchet

viers prep.

In direzion di, sedi intindint un lûc, che un obietîf, un risultât, un destin e v.i.

sinonims

cuintri, cuintri di, incuintri, incuintri di, inviers, inviers di, viers di

esemplis

"al decidè di lâ a mangjâ une sope cu lis tripis e po inviâsi viers Sedean, paîs che al faseve simpri bogns afârs"

gjavât fûr di "Baratâ" di Angelo Covazzi

"sul ôr dal curtîl, viers la cleve, a jerin dôs sentis lungjis, di len"

gjavât fûr di "Gnot di Avost" di Meni Ucel

"un perfezionament progressîf e continuât viers un ideâl di armonie"

gjavât fûr di "Viaç aes origjins dal Logos" di Adrian Cescje

"a partî dal 2005 il SNP si è inviât viers la egjemonie politiche in Scozie"

gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti

viers prep.

Pôc prime, pôc daspò, par pandi la vicinance a di un ciert limit di timp

sinonims

par, sot

esemplis

"viers Sant Antoni, che lis seris a jerin cliputis, la Siore e lave cun mê mari nasant i zîs e i garofui"

gjavât fûr di "Il zardin" di Alan Brusini

"cussì, in pratiche, viers la metât dal '600 la autonomie lassade al Friûl no jere plui che un non cence significât"

gjavât fûr di "Cuintristorie dal Friûl fin sot la Italie" di Josef Marchet

monolengâl